കോട്ടയം: മഹാത്മാഗാന്ധി സര്‍വകലാശാല സ്‌കൂള്‍ ഓഫ് ടൂറിസം സ്റ്റഡീസിന്റെ തൊടുപുഴ മുട്ടം കാമ്പസിന്റെ ശിലാസ്ഥാപനം ഫെബ്രുവരി 16ന് മുഖ്യമന്ത്രി പിണറായി വിജയന്‍ നിര്‍വഹിക്കും. വൈകീട്ട് നാലിന് മുട്ടം എന്‍ജിനീയറിങ് കോളജ് ഓഡിറ്റോറിയത്തില്‍ നടക്കുന്ന പരിപാടിയില്‍ ഉന്നത വിദ്യാഭ്യാസ വകുപ്പ് മന്ത്രി കെ.ടി. ജലീല്‍ അധ്യക്ഷത വഹിക്കും. വൈദ്യുതിവകുപ്പ് മന്ത്രി എം.എം. മണി, തൊടുപുഴ എം.എല്‍.എ. പി.ജെ. ജോസഫ്, ഇടുക്കി എം.പി. ഡീന്‍ കുര്യാക്കോസ് എന്നിവര്‍ മുഖ്യാതിഥികളായിരിക്കും. വൈസ് ചാന്‍സലര്‍ പ്രൊഫ. സാബു തോമസ്, മുട്ടം ഗ്രാമപഞ്ചായത്ത് പ്രസിഡന്റ് ഷൈജ ജോമോന്‍, ജില്ലാ പഞ്ചായത്ത് മെമ്പര്‍ സി.വി. സുനിത, ബ്ലോക്ക് പഞ്ചായത്ത് മെമ്പര്‍ എന്‍.കെ. ബിജു, ഗ്രാമപഞ്ചായത്ത് മെമ്പര്‍ ഡോളി രാജു, സിന്‍ഡിക്കേറ്റംഗങ്ങളായ അഡ്വ. പി. ഷാനവാസ്, ഡോ. എ. ജോസ്, പ്രോ വൈസ് ചാന്‍സലര്‍ പ്രൊഫ. സി.റ്റി അരവിന്ദകുമാര്‍ എന്നിവര്‍ പങ്കെടുക്കും.
സ്‌കൂള്‍ ഓഫ് ടൂറിസം സ്റ്റഡീസിന്റെ ഭൗതിക പഠന സാഹചര്യം മെച്ചപ്പെടുത്തുന്നതിന്റെ ഭാഗമായി ക്ലാസ്‌റൂമുകള്‍, ലാബുകള്‍, ടൂറിസം റിസോഴ്‌സ് സെന്റര്‍, റഗുലേറ്ററി ബോഡികള്‍ നിഷ്‌കര്‍ഷിക്കുന്ന മറ്റ് സൗകര്യങ്ങള്‍ എന്നിവ ഉള്‍പ്പെടുത്തി നിര്‍മിക്കുന്ന കാമ്പസാണിത്. 12.5 കോടി രൂപ മുതല്‍മുടക്കില്‍ സംസ്ഥാന സര്‍ക്കാരിന്റെ വാര്‍ഷിക പദ്ധതിയില്‍ ഉള്‍പ്പെടുത്തിയാണ് പുതിയ കെട്ടിടം നിര്‍മിക്കുന്നത്. കിറ്റ്‌കോയാണ് പദ്ധതിയുടെ നിര്‍വഹണ ഏജന്‍സി. 2022 മെയ് മാസത്തില്‍ നിര്‍മാണം പൂര്‍ത്തിയാകും.
0 Comments