യു.ജി.സി നെറ്റ് പരീക്ഷാ തീയതി പ്രഖ്യാപിച്ച് കേന്ദ്ര വിദ്യാഭ്യാസ മന്ത്രി

ന്യൂഡൽഹി: അസിസ്റ്റന്റ് പ്രൊഫസർ, ജൂനിയർ റിസർച്ച് ഫെലോ യോഗ്യതക്കായി നടത്തുന്ന യു.ജി.സി നെറ്റ് പരീക്ഷാ തീയതി പ്രഖ്യാപിച്ച് കേന്ദ്ര വിദ്യാഭ്യാസ മന്ത്രി രമേശ് പൊഖ്രിയാൽ. നാഷണൽ ടെസ്റ്റിങ് ഏജൻസി നടത്തുന്ന പരീക്ഷ മെയ് 2 മുതലാണ് ആരംഭിക്കുക. www.nta.ac.in, ugcnet.nta.nic.in എന്നീ വെബ്സൈറ്റുകൾ വഴി വിദ്യാർഥികൾക്ക് മാർച്ച് 2 വരെ പരീക്ഷയ്ക്ക് ഓൺലൈനായി അപേക്ഷിക്കാം. ഫീസ് അടക്കാൻ മാർച്ച് 3 വരെ സമയം അനുവദിച്ചിട്ടുണ്ട്. മെയ് 2, 3, 4, 5, 6, 7, 10, 11, 12, 14, 17 തീയതികളിലാകും പരീക്ഷ. രാവിലെ 9 മുതൽ 12 വരെയും വൈകീട്ട് 3 മുതൽ 5 വരെയുമുള്ള രണ്ട് ഷിഫ്റ്റുകളായാകും പരീക്ഷകൾ നടക്കുക. വിശദ വിവരങ്ങൾക്ക് ugcnet.nta.nic.in എന്ന വെബ്സൈറ്റ് സന്ദർശിക്കുക