ജൈവവൈവിധ്യ ബോർഡ്: പ്രിൻസിപ്പൽ സയന്റിഫിക് ഓഫീസർ ഒഴിവ്

തിരുവനന്തപുരം: സംസ്ഥാന ജൈവവൈവിധ്യ ബോർഡിൽ പ്രിൻസിപ്പൽ സയന്റിഫിക് ഓഫീസർ ഒഴിവിലേക്ക് സർക്കാർ സ്ഥാപനങ്ങളിലെ നിശ്ചിത യോഗ്യതയുള്ള ഉദ്യോഗസ്ഥരിൽ നിന്ന് അപേക്ഷ ക്ഷണിച്ചു. രണ്ട് ഒഴിവുകളാണുള്ളത്. യു.ജി.സി അംഗീകാരമുള്ള സർവകലാശാലയിൽ നിന്ന് ലൈഫ് സയൻസിൽ പി.എച്ച്.ഡിയും ശാസ്ത്ര സ്ഥാപനങ്ങളിൽ ലൈഫ് സയൻസിൽ സയന്റിസ്റ്റായി പത്ത്‌ വർഷത്തെ പ്രവൃത്തിപരിചയവും അല്ലെങ്കിൽ യു.ജി.സി അംഗീകൃത സർവകലാശാലക്കു കീഴിലെ കോളജിൽ അഞ്ചുവർഷത്തെ അധ്യാപന പരിചയമുള്ളവർക്കും അപേക്ഷിക്കാം. അപേക്ഷ മെമ്പർ സെക്രട്ടറി, കേരള സംസ്ഥാന ജൈവവൈവിധ്യ ബോർഡ്, കൈലാസം, റ്റി.സി 4/1679, നമ്പർ 43, ബെൽഹെവൻ ഗാർഡൻസ്, കവടിയാർ പി.ഒ തിരുവനന്തപുരം-695003 എന്ന വിലാസത്തിൽ ഈ മാസം അഞ്ചിനകം ലഭിക്കണം.