കണ്ണൂര്‍: ജനുവരി 25,27 തിയതികളിലായി അഫിലിയേറ്റഡ് കോളജുകളിലെ (ഗവ, എയ്ഡഡ്, സെല്‍ഫ് ഫിനാന്‍സിങ്) ഒഴിവുള്ള യു.ജി/പിജി സീറ്റുകളിലേക്ക് സ്‌പോട്ട് അഡ്മിഷന് നടത്തും. ഒഴിവുകളറിയാന്‍ സര്‍വ്വകലാശാല വെബ്‌സൈറ്റ് (http://admission.kannuruniversity.ac.in/) സന്ദര്‍ശിക്കുക. താല്‍പ്പര്യമുള്ളവര്‍ യോഗ്യത തെളിയിക്കുന്ന അസ്സല്‍ രേഖകള്‍ സഹിതം അതത് കോളജുകളില്‍ മേല്‍പറഞ്ഞ തിയതികളില്‍ ഹാജരാകണം. കണ്ണൂര്‍ സര്‍വ്വകലാശാലയില്‍ പ്രവേശനം ലഭിക്കാത്തവര്‍ക്ക് മാത്രമാണ് പ്രവേശനത്തിന് അര്‍ഹതയുണ്ടായിരിക്കുക. ഇതുവരെ ഓണ്‍ലൈന്‍ രജിസ്‌ട്രേഷന്‍ ചെയ്യാത്തവര്‍ക്കും സ്‌പോട്ട് അഡ്മിഷന് അപേക്ഷിക്കാവുന്നതാണ്.
പരീക്ഷ
- 2021 മാര്‍ച്ച് 8ന് ആരംഭിക്കുന്ന മൂന്നാം സെമസ്റ്റര്‍ ബിരുദ (റെഗുലര്‍/ സപ്ലിമെന്ററി/ ഇംപ്രൂവ്‌മെന്റ്), നവംബര്‍ 2020 പരീക്ഷകള്‍ വിജ്ഞാപനം ചെയ്തു. ജനുവരി 28 മുതല്‍ ഫെബ്രുവരി 2 വരെ പിഴയില്ലാതെയും, ഫെബ്രുവരി 5 വരെ 170 രൂപ പിഴയോടുകൂടെയും പരീക്ഷകള്‍ക്ക് രജിസ്റ്റര്‍ ചെയ്യാം. അപേക്ഷകളുടെ ഹാര്‍ഡ് കോപ്പിയും ചലാനും ഫെബ്രുവരി 10നകം സര്‍വകലാശാലയില്‍ സമര്‍പ്പിക്കണം.
- രണ്ടും (മെയ് 2020), ഒന്നും (നവംബര്‍ 2021) സെമസ്റ്റര്‍ പി. ജി. ഡി. സി. പി. പരീക്ഷകള്‍ വിജ്ഞാപനം ചെയ്തു. പരീക്ഷാ രജിസ്‌ട്രേഷന്‍ യഥാക്രമം 27.01.2021, 29.01.2021 തീയതികളില്‍ ആരംഭിക്കും. പരീക്ഷാവിജ്ഞാപനങ്ങള്‍ വെബ്‌സൈറ്റില്‍.
- ഫെബ്രുവരി 1ന് ആരംഭിക്കുന്ന ഒന്നും മൂന്നും സെമസ്റ്റര്‍ ബിരുദ, ബിരുദാനന്തര ബിരുദ സ്‌പെഷ്യല്‍ (സ്‌പോട്‌സ്, പ്രീ റിപ്പബ്ലിക്ക് ഡേ പരേഡ് ക്യാംപ്) പരീക്ഷകളുടെ (നവംബര്‍ 2019) ടൈംടേബിള്‍ സര്‍വകലാശാല വെബ്‌സൈറ്റില്‍ പ്രസിദ്ധീകരിച്ചു.
![\"\"](\"https://schoolvartha.com/wp-content/uploads/2021/01/stat.jpg\")
