ഫസ്റ്റ് ബെല്‍; പത്ത് പ്ലസ് ടു പാഠഭാഗങ്ങള്‍ പകുതിയിലേറെ പൂര്‍ത്തിയായെന്ന് കൈറ്റ് സി.ഇ.ഒ

തിരുവനന്തപുരം: പൊതുപരീക്ഷയ്ക്ക് ശ്രദ്ധിക്കേണ്ട മേഖലകളുടെ പത്താം ക്ലാസിലെ 90 ശതമാനവും പ്ലസ് ടുവിലെ 80 ശതമാനവും സംപ്രേഷണം പൂര്‍ത്തിയായെന്ന് കൈറ്റ് സി.ഇ.ഒ കെ.അന്‍വര്‍ സാദത്ത്. അവശേഷിക്കുന്ന പാഠഭാഗങ്ങള്‍ കുട്ടികള്‍ക്ക് ബുദ്ധിമുട്ടില്ലാത്തവിധം സംപ്രേഷണം ചെയ്യുമെന്നും അദ്ദേഹം അറിയിച്ചു. ഫസ്റ്റ്‌ബെല്‍ ക്ലാസുകള്‍ ആവശ്യമെങ്കില്‍ കുട്ടികള്‍ക്ക് സ്‌കൂളില്‍ നിന്നു ഹൈടെക് സംവിധാനം പ്രയോജനപ്പെടുത്തി കാണാന്‍ സൗകര്യമൊരുക്കുമെന്ന് അദ്ദേഹം കൂട്ടിചേര്‍ത്തു. ക്ലാസുകളുടെ സമയക്രമം firstbell.kite.kerala.gov.in എന്ന പോര്‍ട്ടല്‍ വഴി ലഭ്യമാകും.