തിരുവനന്തപുരം: ഹോമിയോ ഫാർമസി സർട്ടിഫിക്കറ്റ് കോഴ്‌സിന്റെ റഗുലർ/സപ്ലിമെന്ററി പരീക്ഷകൾക്കുള്ള അപേക്ഷ ക്ഷണിച്ചു. പരീക്ഷകൾ നവംബർ 30 മുതൽ ആരംഭിക്കും. രാവിലെ പത്ത് മുതൽ ഉച്ചയ്ക്ക് 12 വരെയുള്ള പരീക്ഷകളുടെ അപേക്ഷാഫോറം തിരുവനന്തപുരം, കോഴിക്കോട് ഗവ. ഹോമിയോപ്പതിക് മെഡിക്കൽ കോളജുകളിൽ നിന്നും ഡോ. എ.കെ.ബി മിഷൻ ട്രസ്റ്റിൽ നിന്നും 16 മുതൽ ലഭ്യമാകും. പൂരിപ്പിച്ച അപേക്ഷകൾ പിഴയില്ലാതെ 20 ന് വൈകിട്ട് അഞ്ച് വരെയും, 10 രൂപ പിഴയോടുകൂടി 24 ന് വൈകീട്ട് 5 മണി വരെയും സ്വീകരിക്കും. അപേക്ഷാഫീസ് പേപ്പർ ഒന്നിന് 200 രൂപ എന്ന നിരക്കിൽ തിരുവനന്തപുരം ഗവ. ഹോമിയോപ്പതിക് മെഡിക്കൽ കോളജ് പ്രിൻസിപ്പൽ ആൻഡ് കൺട്രോളിംഗ് ഓഫീസറുടെ പേരിൽ എസ്.ബി.ഐ ഫോർട്ട്, തിരുവനന്തപുരം ബ്രാഞ്ചിൽ മാറാവുന്ന ഡി.ഡി ഉള്ളടക്കം ചെയ്യണം. പൂരിപ്പിച്ച അപേക്ഷകളും ഡി.ഡിയും നിശ്ചിത തിയതിക്കകം പ്രിൻസിപ്പൽ ആൻഡ് കൺട്രോളിംഗ് ഓഫീസർ, ഗവ. ഹോമിയോപ്പതിക് മെഡിക്കൽ കോളജ്, തിരുവനന്തപുരം എന്ന വിലാസത്തിൽ അയക്കണം. കോഴിക്കോട്, തിരുവനന്തപുരം ഗവ. ഹോമിയോപ്പതിക് മെഡിക്കൽ കോളജുകളാണ് പരീക്ഷാകേന്ദ്രങ്ങൾ. അപേക്ഷകൾക്കും മറ്റു വിവരങ്ങൾക്കുമായി www.ghmct.org എന്ന വെബ്‌സൈറ്റ് സന്ദർശിക്കുക.