തിരുവനന്തപുരം: ജില്ലയിലെ അർദ്ധ സർക്കാർ സ്ഥാപനത്തിൽ നിലവിൽ ഒഴിവുള്ള ഓപ്പൺ വിഭാഗം സിസ്റ്റം അഡ്മിനിസ്‌ട്രേറ്റർ താൽകാലിക തസ്തികയിലേക്ക് അപേക്ഷ ക്ഷണിച്ചു. 2020 ജനുവരി ഒന്നിന് 18 നും 41നും ഇടയിൽ പ്രായംവരുന്ന ബിരുദവും നെറ്റ്‌വർക്കിംഗ് സർട്ടിഫിക്കറ്റ് (സി.സി.എൻ.എ), ഐ.റ്റി/നെറ്റ്‌വർക്കിംഗിൽ രണ്ട് വർഷത്തെ പ്രവൃത്തിപരിചയമുള്ള ഉദ്യോഗാർഥികൾക്ക് അപേക്ഷിക്കാം.
വിദ്യാഭ്യാസ യോഗ്യത, തൊഴിൽപരിചയം എന്നിവ തെളിയിക്കുന്ന അസ്സൽ സർട്ടിഫിക്കറ്റുകളുമായി അതത് എംപ്ലോയ്‌മെന്റ് എക്‌സ്‌ചേഞ്ചുകളിൽ നവംബർ 16ന് മുമ്പ് നേരിട്ട് ഹാജരായി പേര് രജിസ്റ്റർ ചെയ്യണം. പ്രതിമാസ വേതനം 30,000 രൂപ(കൺസോളിഡേറ്റഡ് പേ).
