ബിഎസ്‌സി നഴ്സിങ് റാങ്ക് ലിസ്റ്റ് ഇന്ന്: ആദ്യ അലോട്ട്‌മെന്റ് 10-ന്

തിരുവനന്തപുരം: സംസ്ഥാനത്ത് ബി.എസ്സി. നഴ്സിങ് പ്രവേശനത്തിനുള്ള റാങ്ക് ലിസ്റ്റ് എൽ.ബി.എസ്. ഇന്ന് പ്രസിദ്ധീകരിക്കും. ആദ്യ അലോട്ട്മെന്റ് 10-ന് നടത്തും. രണ്ടാം അലോട്ട്മെന്റ് 15-നും മൂന്നാം അലോട്ട്മെന്റ് 21-നും നടത്തും. പ്രവേശനത്തിനുള്ള സമയക്രമം ആരോഗ്യവകുപ്പ് പ്രസിദ്ധീകരിച്ചു.
നവംബർ 15-ന് പ്രവേശനനടപടികൾ അവസാനിപ്പിക്കും.
മാനേജ്മെന്റ് സീറ്റുകളിലേക്കുള്ള ആദ്യ അലോട്ട്മെന്റ് 25ന് നടത്തിയിരുന്നു. രണ്ടാം അലോട്ട്മെന്റ് അഞ്ചിനും മൂന്നാം അലോട്ട്മെന്റ് 12-നും നടത്തും. 19-നാണ് നാലാം അലോട്ട്മെന്റ്. നവംബർ 15-ന്ശേഷം സർക്കാർ സീറ്റുകളിൽ ഒഴിവുവന്നാൽ അവയിൽ മാനേജ്മെന്റുകൾ നേരിട്ട് പ്രവേശനം നടത്തും.