ഒന്നാം വർഷ ഡിഗ്രി, പിജി വിദ്യാർത്ഥികൾക്ക് നവംബറിൽ ഓൺലൈനായി ക്ലാസുകൾ

തിരുവനന്തപുരം: ഒന്നാം വർഷ ബിരുദ, ബിരുദാനന്തര വിദ്യാർത്ഥികൾക്ക് നവംബർ ഒന്നുമുതൽ ക്ലാസുകൾ ഓൺലൈനായി ആരംഭിക്കും. നവംബര്‍ ഒന്നിന് ക്ലാസുകൾ ആരംഭിക്കണമെന്ന യു.ജി.സിയുടെ നിർദേശം കണക്കിലെടുത്താണ് തീരുമാനം.
ഇതിന്റെ ഭാഗമായി സര്‍വകലാശാലകളിലെല്ലാം ബിരുദ, ബിരുദാനന്തര പ്രവേശന നടപടികള്‍ ഒക്ടോബര്‍ 31 നകം പൂർത്തിയാക്കണമെന്നും നിർദേശമുണ്ട്. കൂടാതെ പുതിയ സാഹചര്യങ്ങൾ കണക്കിലെടുത്ത്
സെമസ്റ്റര്‍ പരീക്ഷകള്‍ ഉള്‍പ്പെടെയുള്ള അക്കാഡമിക കലണ്ടറാണ് യു.ജി.സി. കഴിഞ്ഞദിവസം പുറത്തിറക്കിയത്. ക്ലാസ്സ്‌ തുടങ്ങിയാൽ അവധികളും ഇടവേളകളും വേണ്ടെന്നും യു.ജി.സി. നിര്‍ദേശിച്ചിട്ടുണ്ട്. നഷ്ടപ്പെട്ട
അധ്യയന ദിവസങ്ങൾ വീണ്ടെടുക്കാൻ ശനിയാഴ്ചകളും പ്രവർത്തി ദിവസങ്ങളാക്കിയേക്കും.