തിരുവനന്തപുരം: എ.പി.ജെ അബ്ദുൽ കലാം സാങ്കേതിക ശാസ്ത്ര സർവകലാശാലയുടെ ബി.ടെക് പരീക്ഷാഫലം പ്രസിദ്ധീകരിച്ചു. 2016 ഓഗസ്റ്റ് ഒന്നാംതീയതി ക്ലാസുകൾ ആരംഭിച്ച ബി.ടെക് രണ്ടാം ബാച്ചിന്റെ അവസാനസെമെസ്റ്റർ പരീക്ഷകൾ 2020 ഓഗസ്റ്റ് 20-നാണ് പൂർത്തീകരിച്ചത്. 23 വിവിധ എൻജിനീയറിംഗ് ബ്രാഞ്ചുകളിലായി 38002 വിദ്യാർത്ഥികളാണ് 2016-ൽ ഒന്നാം സെമെസ്റ്ററിൽ ഈ ബാച്ചിൽ പ്രവേശനം നേടിയിരുന്നത്. ഇതിൽ 145 എൻജിനീയറിംഗ് കോളേജുകളിലായി 32645 വിദ്യാർഥികളാണ് അവസാനവർഷ പരീക്ഷയെഴുതുവാൻ അർഹരായത്. എട്ട് സെമെസ്റ്ററുകൾക്കിടെ 5357 വിദ്യാർത്ഥികൾ താഴ്ന്ന സെമെസ്റ്ററുകളിലേക്ക് മാറ്റപ്പെടുകയോ മറ്റ് കോഴ്സുകളിലേക്ക് മാറുകയോ ചെയ്തിട്ടുണ്ട്. പരീക്ഷയെഴുതിയ 34416 വിദ്യാർഥികളിൽ 16017 പേർ വിജയിച്ചു.കൂടുതൽ വിവരങ്ങൾക്ക് https://www.ktu.edu.in സന്ദർശിക്കുക.