ഡൽഹി സർവകലാശാല അവസാനവർഷ ബിരുദ പരീക്ഷകൾ നാളെ മുതൽ ഓൺലൈനിലൂടെ

Aug 9, 2020 at 11:45 am

Follow us on

\"\"

തിരുവനന്തപുരം: ഡൽഹി സർവകലാശാല അവസാനവർഷ ബിരുദപരീക്ഷകൾ നാളെ മുതൽ ഓൺലൈനിലൂടെ ഓപ്പൺബുക്ക് സംവിധാനത്തിൽ നടത്തും.
ചോദ്യപേപ്പറുകൾ വിദ്യാർഥികളുടെ ഇ-മെയിൽ വിലാസത്തിലേക്ക് നൽകിയാകും പരീക്ഷ നടത്തുക. ഡൽഹി സർവകലാശാല അവസാനവർഷ ബിരുദപരീക്ഷ ഓൺലൈനായി ഓപ്പൺബുക്ക് രീതിയിൽ ഉപാധികളോടെ നടത്താൻ ഡൽഹി ഹൈക്കോടതി കഴിഞ്ഞ ദിവസം അനുമതി നൽകിയിരുന്നു. ഇതിന്റെ അടിസ്ഥാനത്തിലാണ് നാളെ മുതൽ പരീക്ഷ നടത്തുന്നത്. ചോദ്യപേപ്പർ ഇമെയിൽ വഴി അയച്ചു നൽകുകയും സർവകലാശാലയുടെ വെബ്സൈറ്റിൽ അപ്ലോഡ് ചെയ്യുകയും വേണമെന്ന് ജസ്റ്റിസ് പ്രതിഭാ എം. സിങ് നിർദേശിച്ചിട്ടുണ്ട്. ഉത്തരങ്ങൾ അപ്‌ലോഡ് ചെയ്യാൻ ഒരു മണിക്കൂർ അധികം സമയം അനുവദിക്കണം. ഉത്തരക്കടലാസുകൾ ലഭിച്ചാൽ അത് ഇ-മെയിൽ വഴി വിദ്യാർഥികളെ അറിയിക്കും.
നോഡൽ ഓഫീസറെക്കുറിച്ചുള്ള വിവരവും ഇ-മെയിൽ വിലാസവും സർവകലാശാലയുടെ വെബ്സൈറ്റിൽ നൽകും. ഓപ്പൺബുക്ക് രീതിയിൽ പരീക്ഷയെഴുതാനുള്ള അടിസ്ഥാനസൗകര്യമില്ലാത്ത വിദ്യാർഥികൾക്ക് ആവശ്യമായ സേവനം ഒരുക്കാൻ കോമൺ സർവീസ് സെന്ററിനെ സജ്ജമാക്കിയിട്ടുണ്ട്.

\"\"

Follow us on

Related News