എറണാകുളം : ഇൻസ്റ്റിറ്റ്യൂട്ട് ഓഫ് ഹ്യൂമൻ റിസോഴ്‌സസ് ഡവലപ്‌മെന്റിന്റെ കീഴിൽ പ്രവർത്തിക്കുന്ന ടെക്‌നിക്കൽ ഹയർസെക്കൻഡറി സ്‌കൂളുകളിൽ 2020-21 അദ്ധ്യയന വർഷത്തിൽ എട്ടാം ക്ലാസ് പ്രവേശനത്തിന് ഓൺലൈൻ അപേക്ഷ ക്ഷണിച്ചു. 01.06.2006 ലും 31.05.2008 നും ഇടയ്ക്ക് ജനിച്ചവരായിരിക്കണം. ഏഴാം ക്ലാസോ തത്തുല്യ പരീക്ഷയോ പാസായവർക്കും പരീക്ഷാഫലം കാത്തിരിക്കുന്നവർക്കും അപേക്ഷിക്കാം. അപേക്ഷകൾ ihrd.kerala.gov.in/thss ൽ ഓൺലൈനായി നൽകണം. രജിസ്‌ട്രേഷൻ ഫീസായി 110 രൂപ (എസ്.സി/ എസ്.റ്റി വിദ്യാർത്ഥികൾക്ക് 55 രൂപ) അപേക്ഷിക്കാൻ ഉദ്ദേശിക്കുന്ന സ്‌കൂളിന്റെ ബാങ്ക് അക്കൗണ്ടിൽ അടച്ച് പണമടച്ചതിന്റെ വിശദാംശങ്ങൾ ഓൺലൈൻ പോർട്ടലിൽ രേഖപ്പെടുത്തണം. അപേക്ഷാഫീസ് സ്‌കൂൾ ഓഫീസിൽ പണമായോ പ്രിൻസിപ്പലിന്റെ പേരിൽ മാറാവുന്ന ഡി.ഡി ആയോ നൽകാം. 2020-21 വർഷത്തെ പ്രോസ്‌പെക്ടസ് വെബ്‌സൈറ്റിൽ ലഭ്യമാണ്. അപേക്ഷൾ മേയ് 18 മുതൽ 26 വൈകിട്ട് നാലു മണി വരെ സമർപ്പിക്കാം.

കൂടുതൽ വിവരങ്ങൾൾക്ക് ജില്ലകളിലെ സ്കൂളുമായി ബന്ധപ്പെടാം

എറണാകുളം കലൂർ – 0484-2347132 , കപ്രാശ്ശേരി (ചെങ്ങമനാട്) – 0484-2604116 , മലപ്പുറം വാഴക്കാട് – 0483-2725215 , വട്ടംകുളം – 0494-2681498, പെരിന്തൽമണ്ണ – 04933-225086 , കോട്ടയം പുതുപ്പള്ളി – 0481-2351485, ഇടുക്കി പീരുമേട് – 04869-233982 , തൊടുപുഴ (മുട്ടം) – 04862-255755 , പത്തനംതിട്ട മുല്ലപ്പള്ളി – 0469-2680574