ബി.എഡ് /ഡി.എൽ.എഡ് വിദ്യാർത്ഥികൾക്ക് ഇന്റേൺഷിപ്പിന് അനുമതി

തിരുവനന്തപുരം:

തിരുവനന്തപുരം: കോവിഡ് പശ്ചാത്തലത്തിൽ എം.ജി യൂണിവേഴ്സിറ്റിയിലെ മൂന്നാം സെമസ്റ്റർ ബി.എഡ് /ഡി.എൽ.എഡ് വിദ്യാർത്ഥികൾക്ക് കേരളത്തിലെ എല്ലാ ഗവണ്മെന്റ്/എയ്ഡഡ് സ്കൂളുകളിലും ഇന്റേൺഷിപ്പ് നടത്തുന്നതിന് വിദ്യാഭ്യാസ ഓഫീസർമാർ
അനുമതി നൽകണമെന്ന് പൊതുവിദ്യാഭ്യാസ വകുപ്പ്.
സാധാരണ നിലയിൽ ഇന്റേൺഷിപ്പിന് അതാത് സ്കൂളുകളുമായി ബി.എഡ് /ഡി.എൽ.എഡ് വിദ്യാർത്ഥികളെ അറ്റാച്ച് ചെയ്യുന്നത് പോലെ പ്രഥമാധ്യാപകരുടെ കീഴിൽ അറ്റാച്ച് ചെയ്യാവുന്നതാണ്. അതല്ലെങ്കിൽ ഇപ്പോൾ നടക്കുന്ന ഡിജിറ്റൽ ക്ലാസ്സുകളുമായി ബന്ധപ്പെടുത്തി പ്രവർത്തനങ്ങൾ നൽകാം.
നിലവിലെ സാഹചര്യങ്ങൾ കണക്കിലെടുത്ത്
പ്രധാനധ്യാപകൻ, ക്ലാസ്സ്‌ ടീച്ചർ എന്നിവരുടെ നേതൃത്വത്തിൽ ബി.എഡ് /ഡി.എൽ.എഡ് വിദ്യാർത്ഥികൾക്കുള്ള ഇന്റേൺഷിപ്പ് പ്രവർത്തനങ്ങൾ കോവിഡ് മാനദണ്ഡങ്ങൾ പാലിച്ചായിരിക്കണം ആസൂത്രണം ചെയ്യേണ്ടതെന്നും പൊതു വിദ്യാഭ്യാസ ഡയറക്ടർ അറിയിച്ചു