നീറ്റ്‌ സൂപ്പർ സ്‌പെഷ്യാലിറ്റി പ്രവേശന പരീക്ഷ: അപേക്ഷ ഓഗസ്റ്റ് 23 വരെ

തിരുവനന്തപുരം: സൂപ്പർ സ്‌പെഷ്യാലിറ്റി കോഴ്സുകളായ ഡി.എം, എം.സി.എച്ച് എന്നിവക്കുള്ള  നാഷണൽ എലിജിബിലിറ്റി കം എൻട്രൻസ് ടെസ്റ്റിന് (നീറ്റ്.എസ്.എസ് 2020) ഓഗസ്റ്റ് 23 വരെ ആപേക്ഷിക്കാം. സെപ്റ്റംബർ 15- നാണ് പരീക്ഷ. സെപ്റ്റംബർ 25-നകം ഫലം പ്രഖ്യാപിക്കും. യോഗ്യരായ വിദ്യാർത്ഥികൾക്ക് www.nbe.edu.in  എന്ന വെബ്സൈറ്റ് മുഖേന അപേക്ഷ അയക്കാം. ന്യൂഡൽഹി എയിംസ്, ചണ്ഡീഗഡിലെ പി.ജി.ഐ.ഇ.ആർ,  പുതുച്ചേരി ജിപ്മർ, ബെഗളൂരുവിലെ നിംഹാൻസ്, തിരുവനന്തപുരത്തെ ശ്രീചിത്ര തിരുനാൾ ഇൻസ്റ്റിറ്റ്യൂട്ട് എന്നിവയൊഴികെയുള്ള മെഡിക്കൽ കോളേജുകളിലെ പ്രവേശനത്തിന് ഈ പരീക്ഷയുടെ റാങ്ക് പരിഗണിക്കും.