തിരുവനന്തപുരം: നാഷണൽ ഫോറൻസിക് സയൻസസ് സർവകലാശാലയുടെ ഗുജറാത്ത് ഗാന്ധിനഗർ കാമ്പസിൽ ഫോറൻസിക് സയൻസ് കോഴ്സുകളിലെ പ്രവേശനത്തിന് ഇപ്പോൾ അപേക്ഷിക്കാം. കേന്ദ്ര ആഭ്യന്തര മന്ത്രാലയത്തിന് കീഴിലുള്ള നാഷണൽ ഇൻസ്റ്റിറ്റ്യൂട്ടിൽ സ്കൂൾ ഓഫ് മെഡിക്കോ ലീഗൽ സ്റ്റഡീസ് നടത്തുന്ന എം.എസ്.സി -ഫോറൻസിക്, എം.എസ്.സി ഫോറൻസിക് നഴ്സിങ് കോഴ്സുകളിലേക്കാണ് പ്രവേശനം. എം.എസ്.സി ഫോറൻസിക്- ഡെന്റിസ്ട്രി (20 സീറ്റുകൾ)
എം.എസ്.സി ഫോറൻസിക് നഴ്സിങ് (20 സീറ്റുകൾ) എന്നിങ്ങനെ ആകെ 40 സീറ്റുകളാണ് ഉള്ളത്. 2026 ജനുവരിയിൽ ക്ലാസുകൾ ആരംഭിക്കുന്ന കോഴ്സുകൾക്ക് നവംബർ 8 വരെ അപേക്ഷ നൽകാം.
.jpg)
എം.എസ്.സി-ഫോറൻസിക്/ ഡെന്റിസ്ട്രി കോഴ്സിന് 55 ശതമാനം മാർക്കിൽ കുറയാതെ അംഗീകൃത ബി.ഡി.എസ് ബിരുദമാണ് യോഗ്യത. എസ്.സി/എസ്.ടി വിഭാഗക്കാർക്ക് 50 ശതമാനം മാർക്ക് മതി. എം.എസ് സി ഫോറൻസിക് നഴ്സിങ് കോഴ്സിന് അംഗീകൃത ബി.എസ്.സി നഴ്സിങ്ങിൽ 55 ശതമാനം മാർക്കിൽ (എസ്.സി/എസ്.ടിക്കാർക്ക് 50 ശതമാനം മതി) കുറയാതെ വിജയിച്ചിരിക്കണം. കുറഞ്ഞത് ഒരുവർഷത്തെ നഴ്സിങ് പ്രവൃത്തി പരിചയമുണ്ടാകണം.
കൂടുതൽ വിവരങ്ങൾക്കും അപേക്ഷ നൽകാനും http://nfsu.ac.in സന്ദർശിക്കുക. ഫോൺ: 8141298099
