തിരുവനന്തപുരം: സംസ്ഥാനത്തെ വിദ്യാലയങ്ങളിൽ നിലവിലെ സാഹചര്യത്തിൽ ഓൺലൈൻ പ്രവേശനം നടത്തരുതെന്ന് മുഖ്യമന്ത്രി. തിരുവനന്തപുരത്ത് വാർത്താസമ്മേളനത്തിലാണ് മുഖ്യമന്ത്രി ഇക്കാര്യം അറിയിച്ചത്. ചില സ്കൂളുകളിൽ ഓൺലൈൻ പ്രവേശനം നടത്തുന്നതായി ശ്രദ്ധയിൽപ്പെട്ടിരുന്നു എന്നാൽ ഇത് വേണ്ട. സ്കൂളുകളിൽ കെട്ടിക്കിടക്കുന്ന അരിയും പയറും നശിച്ചു പോകുന്ന സാഹചര്യം ഉണ്ടാകരുതെന്നും മുഖ്യമന്ത്രി ആവശ്യപ്പെട്ടു
ഉച്ചഭക്ഷണത്തിനുള്ള അരിയും പയറും പിടിഎ ഇടപെട്ടു ന്യായവിലയ്ക്ക് വിൽപ്പന നടത്തണം. ഇതിന് പിടിഎ നടപടി സ്വീകരിക്കണമെന്നും മുഖ്യമന്ത്രി ആവശ്യപ്പെട്ടു നാളെ മാർച്ച് 31 ആണ്. പലരും സർവ്വീസിൽ നിന്നും വിരമിക്കുന്ന ദിവസമാണ്. ഔപചാരികമായ സർവീസ് കൈമാറ്റം നടക്കില്ല എങ്കിലും നാളെ ഇവർ സർവീസിൽ നിന്ന് വിരമിച്ചതായി കണക്കാക്കണമെന്നും മുഖ്യമന്ത്രി ആവശ്യപ്പെട്ടു