തിരുവനന്തപുരം: രാജ്യത്തെ വിവിധ സർവകലാശാലകളിലെ ബിരുദ കോഴ്സ് പ്രവേശനത്തിനുള്ള CUET-UG 2026 പരീക്ഷയുടെ രജിസ്ട്രേഷൻ തീയതി നീട്ടി. പുതിയ ഉത്തരവ് പ്രകാരം ഫെബ്രുവരി 4വരെ രജിസ്റ്റർ ചെയ്യാം. 4ന് രാത്രി 11:50 വരെ ഇതിനുള്ള സമയമുണ്ട്. ഫെബ്രുവരി 9 മുതൽ 11 വരെ അപേക്ഷയിൽ തിരുത്തലുകൾ വരുത്താം. നേരത്തെ ജനുവരി 30 വരെയായിരുന്നു അപേക്ഷ സമർപ്പിക്കാൻ അനുവദിച്ച സമയം. വിദ്യാർത്ഥികൾക്ക് അപേക്ഷ നൽകാനുള്ള അവസാന തീയതി നീട്ടണമെന്ന ആവശ്യം ശക്തമായതിനെ തുടർന്നാണ് നടപടി. രജിസ്ട്രേഷൻ ചെയ്ത ശേഷം ഫീസ് അടയ്ക്കാൻ കഴിയാതിരുന്ന വിദ്യാർത്ഥികൾക്കും ഈ അവസരം ഉപയോഗിക്കാം. പരീക്ഷയ്ക്ക് http://cuet.nta.nic.in വഴി രജിസ്റ്റർ ചെയ്യാം. 2026 മെയ് 11 മുതൽ 31 വരെയുള്ള ദിവസങ്ങളിലാണ് CUET-UG കമ്പ്യൂട്ടർ അധിഷ്ഠിത പരീക്ഷ നടത്തുക. കേന്ദ്ര സർവകലാശാലകളിലേക്കും മറ്റ് സംസ്ഥാന, ഡീംഡ്, സ്വകാര്യ സർവകലാശാലകളിലേക്കും പ്രവേശനം നേടാനുള്ള യോഗ്യത പരീക്ഷയാണിത്.
- സിബിഎസ്ഇ പത്താം ക്ലാസ്: മാർക്ക് മെച്ചപ്പെടുത്താനുള്ള രണ്ടാം പരീക്ഷയ്ക്ക് രജിസ്റ്റർ ചെയ്യാം
- ശാസ്ത്ര മാസികയ്ക്കും നൈപുണ്യ മേളയ്ക്കും പ്രത്യേകം ഗ്രേസ് മാർക്ക് അനുവദിച്ച് ഉത്തരവ്
- സെറ്റ് പരീക്ഷാഫലം:15.59 ശതമാനം വിജയം
- വിദ്യാർത്ഥികളുടെയും അധ്യാപകരുടെയും ശ്രദ്ധയ്ക്ക്: ഇന്നത്തെ പ്രധാന വിദ്യാഭ്യാസ വാർത്തകൾ
- അധ്യാപകർക്ക് ജോലി നഷ്ടമാകരുത്: കെ-ടെറ്റിന് കൂടുതൽ ഇളവുകൾ
