കേ​ന്ദ്ര പൊ​തു​മേ​ഖ​ലാ സ്ഥാ​പ​നത്തിൽ എ​ൻ​ജി​നീ​യ​ർ ട്രെ​യി​നി​, ഓ​ഫി​സ​ർ ട്രെ​യി​നി: അപേക്ഷ ഒക്ടോബർ 10വരെ

തിരുവനന്തപുരം: കേ​ന്ദ്ര പൊ​തു​മേ​ഖ​ലാ സ്ഥാ​പ​നമായ ഗു​വാ​ഹ​ത്തി​ ന്യൂ​മാ​ലി​ഗ​ഡ് റി​ഫൈ​ന​റി ലി​മി​റ്റഡിൽ ഗ്രാ​ജ്വേ​റ്റ് എ​ൻ​ജി​നീ​യ​ർ ട്രെ​യി​നി​, അ​സി​സ്റ്റ​ന്റ് ഓ​ഫി​സ​ർ ട്രെ​യി​നി​​ തസ്തികളിൽ നിയമനം നടത്തുന്നു. വി​വി​ധ ബ്രാ​ഞ്ചു​ക​ളി​ലാ​യി ആകെ 98 ഒ​ഴി​വു​ക​ൾ ഉണ്ട്. സി​വി​ൽ 4, മെ​ക്കാ​നി​ക്ക​ൽ 12, ഇ​ൻ​സ്ട്രു​മെ​ന്റേ​ഷ​ൻ 10, ഇ​ല​ക്ട്രി​ക്ക​ൽ 10, മെ​റ്റ​ല​ർ​ജി 2, കെ​മി​ക്ക​ൽ 53, ക​മ്പ്യൂ​ട്ട​ർ സ​യ​ൻ​സ് 1, അ​സി​സ്റ്റ​ന്റ് ഓ​ഫി​സ​ർ ട്രെ​യി​നി 6 എന്നിങ്ങനെയാണ് ഒഴിവുകൾ. ഗ്രാ​ജ്വേ​റ്റ് എ​ൻ​ജി​നീ​യ​ർ ട്രെ​യി​നി ത​സ്തി​ക​യി​ലേ​ക്ക് അപേക്ഷിക്കാൻ ബ​ന്ധ​പ്പെ​ട്ട ബ്രാ​ഞ്ചി​ൽ മൊ​ത്തം 65 ശ​ത​മാ​നം മാ​ർ​ക്കി​ൽ കു​റ​യാ​തെ ഫ​സ്റ്റ് ക്ലാ​സ് എ.​ഐ.​സി.​ടി.​ഇ/​യു.​ജി.​സി അം​ഗീ​കൃ​ത ബി.​ഇ/​ബി.​ടെ​ക് ബി​രു​ദം വേണം. അ​സി​സ്റ്റ​ന്റ് ഓ​ഫി​സ​ർ ട്രെ​യി​നി ത​സ്തി​ക​ക്ക് നെ​റ്റ്/​ഗേ​റ്റ് യോ​ഗ്യ​ത നേ​ടി​യ ഫ​സ്റ്റ് ക്ലാ​സ് പോ​സ്റ്റ് ഗ്രാ​ജ്വേ​റ്റു​കകാർക്ക് അ​പേ​ക്ഷി​ക്കാം.ഈ ​ത​സ്തി​ക​ക​ൾ​ക്ക് പ്ര​വൃ​ത്തി പ​രിച​യം ആ​വ​ശ്യ​മി​ല്ല. അപേക്ഷകരുടെ പ്രാ​യ​പ​രി​ധി 10.10.2025ന് 30 ​വ​യ​സാണ്. അർഹരായവർക്ക് നിയ​മാ​നു​സൃ​ത ഇളവ് ല​ഭി​ക്കും. 1000 രൂ​പ + ജി.​എ​സ്.​ടിയാണ് അപേക്ഷ ഫീസ്. എ​സ്.​സി/​എ​സ്.​ടി/​ഭി​ന്ന​ശേ​ഷി വി​ഭാ​ഗ​ങ്ങ​ൾ​ക്ക് ഫീ​സി​ല്ല. 

ക​മ്പ്യൂ​ട്ട​ർ അ​ധി​ഷ്ഠി​ത പരീക്ഷ, അ​ഭി​മു​ഖം എ​ന്നി​വ​യു​ടെ അ​ടി​സ്ഥാ​ന​ത്തി​ലാ​ണ് തെ​ര​ഞ്ഞെ​ടു​പ്പ്. ഒ​രു​വ​ർ​ഷ​ത്തെ പ​രി​ശീ​ല​ന​കാ​ലം ഗ്രാ​ജ്വേ​റ്റ് എ​ൻ​ജി​നീ​യ​ർ ട്രെ​യി​നി​ക​ൾ​ക്ക് പ്ര​തി​മാ​സം 50,000 രൂ​പ​യും അ​സി​സ്റ്റ​ന്റ് ഓ​ഫി​സ​ർ ട്രെ​യി​നി​ക​ൾ​ക്ക് 40,000 രൂ​പ​യും സ്റ്റൈ​പ​ൻ​ഡ് ല​ഭി​ക്കും. പ​രി​ശീ​ല​നം പൂ​ർ​ത്തി​യാ​വു​മ്പോ​ൾ 50,000-1,60,000 രൂ​പ ശ​മ്പ​ള​നി​ര​ക്കി​ൽ എ​ൻ​ജി​നീ​യ​ർ​മാ​രാ​യും 40,000-1,40,000 രൂ​പ നി​ര​ക്കി​ൽ ഓ​ഫി​സ​ർ​മാ​രാ​യും നിയമനം നൽകും. വി​ജ്ഞാ​പ​നം https://www.nrl.co.in/ ​ലഭ്യമാണ്. ഉദ്യോഗാർഥികൾക്ക്‌ ഓൺ​ലൈ​നായി ഒ​ക്ടോ​ബ​ർ 10വ​രെ അ​പേക്ഷ നൽകാം.

10, 12 ക്ലാസുകളിലെ പരീക്ഷ തീയതി പ്രഖ്യാപിച്ചു; CBSE പരീക്ഷ ഇനി രണ്ടു തവണ

:ഈ അധ്യയന വർഷത്തിലെ 10,12 ക്ലാസ് ബോർഡ്‌ പരീക്ഷ (2025-26) തീയതികൾ സെൻട്രൽ ബോർഡ് ഓഫ് സെക്കൻഡറി എജ്യുക്കേഷൻ (സിബിഎസ്ഇ) പ്രഖ്യാപിച്ചു. 2026 ഫെബ്രുവരി 17ന് 10, 12 ക്ലാസുകളിലെ പരീക്ഷകൾ ആരംഭിക്കും. 2026 ഫെബ്രുവരി 17നും ജൂലൈ 15നും ഇടയിലാണ് പരീക്ഷകൾ ക്രമീകരിച്ചിരിക്കുന്നത്. ഈ അധ്യയന വർഷം മുതൽ പത്താം ക്ലാസ് ബോർഡ് പരീക്ഷകൾ വർഷത്തിൽ രണ്ടു തവണയായാണ് നടത്തുന്നത്.
പത്താം ക്ലാസ് ആദ്യ ബോർഡ് പരീക്ഷകൾ ഫെബ്രുവരി 17ന് ആരംഭിച്ച മാർച്ച് 9ന് അവസാനിക്കും. പത്താം ക്ലാസിലെ രണ്ടാം ബോർഡ് പരീക്ഷ മെയ് 15ന് ആരംഭിച്ച ജൂൺ ഒന്നിന് അവസാനിക്കും. പന്ത്രണ്ടാം ക്ലാസിലെ പരീക്ഷകൾ ഫെബ്രുവരി 17ന് ആരംഭിച്ച ഏപ്രിൽ 9ന് അവസാനിക്കും. ഇന്ത്യയിലുടനീളവും വിദേശത്തുള്ള 26 രാജ്യങ്ങളിലുമായി ഏകദേശം 45 ലക്ഷം വിദ്യാർത്ഥികൾ ഈ അധ്യയന വർഷം പരീക്ഷ എഴുതും. പ്രാക്ടിക്കൽ പരീക്ഷകൾ ഉൾപ്പെടെയുള്ളവ നേരത്തെത്തന്നെ നടത്തും.

മാർഗ്ഗനിർദ്ദേശങ്ങൾ അനുസരിച്ച്, ഓരോ വിഷയത്തിന്റെയും പരീക്ഷ കഴിഞ്ഞ് ഏകദേശം 10 ദിവസത്തിനുള്ളിൽ ഉത്തരക്കടലാസുകളുടെ മൂല്യനിർണ്ണയം ആരംഭിക്കുകയും 12 ദിവസത്തിനുള്ളിൽ മൂല്യനിർണ്ണയം പൂർത്തിയാക്കാനാണ് നിർദേശം.