തിരുവനന്തപുരം: ഈ വർഷത്തെ കേരള എൻജിനീയറിങ്, മെഡിക്കൽ, ഫാർമസി, ആർക്കിടെക്ചർ, മെഡിക്കൽ അനുബന്ധ കോഴ്സുകളിലേക്കുള്ള പ്രവേശന പരീക്ഷയുടെ (KEAM:2025) ഫലം ഉടൻ. ഫലപ്രഖ്യാപനത്തിനുള്ള നടപടികൾ പുരോഗമിക്കുകയാണ്. KEAM ഫലം 2 ദിവസത്തിനുള്ളിൽ പ്രസിദ്ധീകരിക്കുമെന്നു മന്ത്രി ആർ.ബിന്ദു കഴിഞ്ഞ ദിവസം അറിയിച്ചിരുന്നു. മാർക്ക് ഏകീകരണം സംബന്ധിച്ച തീരുമാനം എടുക്കാൻ വൈകിയത് മൂലമാണു ഫലപ്രഖ്യാപനം നീണ്ടത്.
പ്രവേശന പരീക്ഷാ കമ്മിഷണർ ഓഫിസിൽ നിന്നോ നൽകിയിരിക്കുന്ന ഹെൽപ് ലൈൻ നമ്പറുകളിൽ നിന്നോ കൃത്യമായ വിവരങ്ങളൊന്നും ലഭിക്കുന്നില്ലെന്നു വിദ്യാർഥികൾ പരാതിപ്പെടുന്നുണ്ട്.
