കൊല്ലം:ശ്രീനാരായണഗുരു ഓപ്പണ് യൂണിവേഴ്സിറ്റിക്ക് ആസ്ഥാന മന്ദിരം നിര്മ്മിക്കുന്നതിന് സ്ഥലം ഏറ്റെടുക്കുന്നതിന് സർക്കാർ ധനാനുമതിയായി. കൊല്ലം താലൂക്കില് മുണ്ടയ്ക്കല് വില്ലേജില് 3.292 ഹെക്ടര് ഭൂമി ഏറ്റെടുക്കാനാണ് തീരുമാനം. ഇതിനായി 26.02 കോടി രൂപയുടെ ധനാനുമതി നൽകിയതായി ധനകാര്യ മന്ത്രി കെ എൻ ബാലഗോപാൽ അറിയിച്ചു. ഉന്നത വിദ്യാഭ്യാസ വകുപ്പും റവന്യു വകുപ്പും നല്കിയ ശിപാര്ശകള് ധനകാര്യ വകുപ്പ് അംഗീകരിക്കുകയായിരുന്നു. കൊല്ലം നഗരത്തിനുള്ളിൽ ബീച്ച് റോഡിന് സമീപമായാണ് ആസ്ഥാനമന്ദിരം ഉയരുക. എല്.ഡി.എഫ് സര്ക്കാര് നല്കിയ ഒരു വാഗ്ദാനം കൂടി യാഥാര്ത്ഥ്യമാകുകയാണ്.
ഡിപ്ലോമ ഇൻ ഫാർമസി, ഹെൽത്ത് ഇൻസ്പെക്ടർ, പാരാമെഡിക്കൽ കോഴ്സുകൾ: സ്പെഷ്യൽ അലോട്ട്മെന്റ് 15ന്
തിരുവനന്തപുരം:പ്രഫഷണൽ ഡിപ്ലോമ ഇൻ ഫാർമസി, ഹെൽത്ത് ഇൻസ്പെക്ടർ മറ്റ്...
