തിരുവനന്തപുരം: പത്താം ക്ലാസ് യോഗ്യതയുള്ളവർക്ക് പട്നയിലെ നാഷനൽ ഇൻലാൻഡ് നാവിഗേഷൻ ഇൻസ്റ്റിറ്യൂട്ടിൽ ഇൻലാൻഡ് വെസൽ ജനറൽ പർപ്പസ് റേറ്റിങ് ട്രെയിനിങ് റസിഡൻഷ്യൽ കോഴ്സിലേക്ക് അപേക്ഷിക്കാം. ജനുവരിയിലാണ് ക്ലാസുകൾ ആരംഭിക്കുക. കൂടുതൽ വിവരങ്ങളും അപേക്ഷാ ഫോമും http://nini.eud.in ൽ ലഭ്യമാണ്. പൂരിപ്പിച്ച അപേക്ഷ ആവശ്യമായ രേഖകൾ സഹിതം The Prinicipal, National Inland Navigation Institute,Gaight, Patna 800007 എന്ന വിലാസത്തിൽ അയക്കണം. അപേക്ഷ അയക്കേണ്ട അവസാന തീയതി ഡിസംബർ 23 ആണ്‌. ഇമെയിൽ iinfo@nini.edu.in വഴിയും അപേക്ഷ അയക്കാം. അപേക്ഷകർ മെഡിക്കൽ, ഫിസിക്കൽ ഫിറ്റ്നസ് ഉള്ളവരായിരിക്കണം. കണ്ണട ഉപയോഗിക്കാതെ 6/6കാഴ്ചശക്തി വേണം. വൈകല്യങ്ങൾ പാടില്ല. പ്രായപരിധി 18-25 വയസ്സ്.
കോഴ്സ് കാലാവധി മൂന്നര മാസം. കോഴ്സ് ഫീസ് 35,200 രൂപ. ഡിസംബർ 29ന് ടെസ്റ്റും ഇന്റർവ്യൂവും നടത്തി തിരഞ്ഞെടുക്കും.യൂനിഫോം, ഹോസ്റ്റൽ,മെസ് ചാർജ് അടക്കമാണ് കോഴ്സ് ഫീസായി ഈടാക്കുന്നത്. സീറ്റുകളിൽ 15 ശതമാനം പട്ടികജാതിക്കാർക്കും 7.5 ശതമാനം പട്ടികവർഗക്കാർക്കും 27 ശതമാനം ഒ.ബി.സിക്കാർക്കും 10 ശതമാനം ഇ.ഡബ്ല്യു.എസ് വിഭാഗത്തിനും സംവരണം ചെയ്തിരിക്കുന്നു.
