മലപ്പുറം:കൊണ്ടോട്ടി മഹാകവി മോയിന്കുട്ടിവൈദ്യര് മാപ്പിളകലാ അക്കാദമിയുടെ സ്കൂള് ഓഫ് മാപ്പിള ആര്ട്സിനു കീഴില് പാര്ട് ടൈം ഡിപ്ലോമ കോഴ്സുകള് സെപ്റ്റംബറില് ആരംഭിക്കും. മാപ്പിളപ്പാട്ടിന് രണ്ടുവര്ഷത്തെയും ഒപ്പന, കോല്ക്കളി, ദഫ് മുട്ട്, അറബന മുട്ട്, തുടങ്ങിയ കലകള്ക്ക് ഒരു വര്ഷത്തേക്കുമുള്ള പാര്ട് ടൈം ഡിപ്ലോമ കോഴ്സുകളാണ് ആരംഭിക്കുന്നത്. 10 നും 25 നും ഇടയില് പ്രായമുള്ളവര്ക്ക് അപേക്ഷിക്കാം. സ്കൂള്, കോളേജ് പഠനം നടത്തുന്ന വിദ്യാര്ഥികള്ക്കും, ജോലിക്ക് പോകുന്നവര്ക്കും പഠനത്തിനും ജോലിക്കും മുടക്കം വരാത്ത തരത്തിലുള്ള സമയക്രമമാണ് നിശ്ചയിച്ചിട്ടുള്ളത്. കോഴ്സില് ചേരാനാഗ്രഹിക്കുന്നവര് നിശ്ചിത ഫോറത്തില് ആവശ്യമായ രേഖകള് സഹിതം അക്കാദമിയുടെ കൊണ്ടോട്ടി, നാദാപുരം കേന്ദ്രങ്ങളിലോ അക്കാദമിയുമായി അഫിലിയേറ്റ് ചെയ്ത് പ്രവര്ത്തിക്കുന്ന കേന്ദ്രങ്ങളിലോ അപേക്ഷ സമര്പ്പിക്കണം. അവസാന തീയതി ആഗസ്റ്റ് 31. അഫിലിയേറ്റഡ് കേന്ദ്രങ്ങളുടെ വിവരങ്ങള് അക്കാദമി ഓഫീസുമായി നേരിട്ടോ (0483 2711432/ 7902 711432) അക്കാദമി വെബ്സൈറ്റ് http://mappilakalaacademy. ഒർജിനൽ മുഖേനയോ ലഭിക്കും.
കേരള മെഡിക്കൽ, എൻജിനീയറിങ്, ആർക്കിടെക്ചർ പ്രവേശനം: അപേക്ഷ ജനുവരി 5മുതൽ
തിരുവനന്തപുരം: 2026-27 അധ്യയന വർഷത്തെ കേരള എൻജിനീയറിങ്, ആർക്കിടെക്ചർ, ഫാർമസി, മെഡിക്കൽ, മെഡിക്കൽ...
