തിരുവനന്തപുരം:കൊച്ചി ശാസ്ത്ര സാങ്കേതിക സർവകലാശാലയിൽ വിവിധ പഠന വകുപ്പുകളിലേക്കുള്ള സ്പോട്ട് അഡ്മിഷൻ 9ന് നടക്കും. അറ്റ്‌മോസ്‌ഫിയറിക് സയൻസ് വകുപ്പിൽ എം.എസ്.സി മീറ്റിയറോളജി, ഇന്റർനാഷണൽ സ്കൂൾ ഓഫ് ഫോട്ടോണിക്സസ് നടത്തുന്ന എം.ടെക് (ഒപ്റ്റോ ഇലക്ട്രോണിക്‌സ്‌ ആൻഡ് ലേസർ ടെക്നോളജി), സ്കൂൾ ഓഫ് ലീഗൽ സ്റ്റഡീസിൽ രണ്ട് വർഷ എൽ.എൽ.എം, സെന്റർ ഫോർ ബജറ്റ് സ്റ്റഡീസിൽ എം.എസ്.സി ഇക്കണോമെട്രിക്സ് ആൻഡ് ഫിനാൻഷ്യൽ ടെക്നോളജി എന്നിവയിലേക്കാണ് അഡ്മിഷൻ നടത്തുന്നത്. അറ്റ്‌മോസ്‌ഫിയറിക് സയൻസ് വകുപ്പിൽ എം.എസ്.സി മീറ്റിയറോളജി പ്രോഗ്രാമിൽ ഒഴിവുള്ള സീറ്റുകളിൽ പ്രവേശം നേടേണ്ടവർ ഓഗസ്റ്റ് 9ന് രാവിലെ 10.30ന് കുസാറ്റ് ലോക്സൈഡ് കാമ്പസിലെ അറ്റ്‌മോസ്‌ഫിയറിക് സയൻസ് വകുപ്പിൽ ഹാജരാക്കണം. കൂടുതൽ വിവരങ്ങൾക്ക് http://admissions.cusat.ac.in സന്ദർശിക്കുകയോ സംശയങ്ങൾക്ക് 0484-286 3804 എന്ന നമ്പറിൽ ബന്ധപ്പെടാവുന്നതോ ആണ്.
ഇന്റർനാഷണൽ സ്കൂൾ ഓഫ് ഫോട്ടോണിക്സസ് നടത്തുന്ന എം.ടെക് (ഒപ്റ്റോ ഇലക്ട്രോണിക്‌സ്‌ ആൻഡ് ലേസർ ടെക്നോളജി) പ്രോഗ്രാമിൽ ഒഴിവുള്ള ജനറൽ, സംവരണ സീറ്റുകളിലേക്ക് സ്പോട്ട് അഡ്മിഷൻ, ക്യാറ്റ് വഴി അപേക്ഷിക്കാത്തവർക്കും പങ്കെടുക്കാം. ഗേറ്റ് യോഗ്യതയുള്ളവർക്ക് മുൻഗണന. ഡാറ്റ്, ഗേറ്റ് റാങ്ക് ലിസ്റ്റിലുള്ളവർക്ക് മാത്രമേ സൂപ്പർ ന്യൂമററി സീറ്റുകളിലേക്ക് അപേക്ഷിക്കാൻ അർഹതയുള്ളൂ. താൽപര്യമുള്ളവർ അസ്സൽ സർട്ടിഫിക്കറ്റുകളും ഫീസും സഹിതം ഓഗസ്റ്റ് 9ന് രാവിലെ 10നും 10.30നും ഇടക്ക് കുസാറ്റിലെ ഇന്റർനാഷണൽ സ്കൂൾ ഓഫ് ഫോട്ടോണിക്സ‌സിൽ ഹാജരാകണം. കൂടുതൽ വിവരങ്ങൾക്ക് http://admissions.ac.in, http://photonics.cusat.ac.in എന്ന വെബ്‌സൈറ്റ് സന്ദർശിക്കുകയോ 0484-2862411, 0484 2575848 എന്നീ നമ്പറുകളിൽ ബന്ധപ്പെടാവുന്നതോ ആണ്.
സ്കൂൾ ഓഫ് ലീഗൽ സ്റ്റഡീസിൽ രണ്ട് വർഷ എൽ.എൽ.എം പ്രോഗ്രാമിൽ ഒഴിവുള്ള 13 സംവരണ സീറ്റുകളിലേക്കായയാണ് സ്പോട്ട് അഡ്മിഷൻ നടക്കുന്നത്. കുസാറ്റ് ക്യാറ്റ് റാങ്ക് ലിസ്റ്റിൽ ഉള്ളവർക്ക് പങ്കെടുക്കാം. താൽപര്യമുള്ളവർ ഓഗസ്റ്റ് 9 ന് രാവിലെ 9 മുതൽ ഉച്ചയ്ക്ക് 10 വരെ കുസാറ്റ് സ്കൂൾ ഓഫ് ലീഗൽ സ്റ്റഡീസിൽ ഹാജരാകണം. കൂടുതൽ വിവരങ്ങൾക്ക് sis@cusat.acin എന്ന വെബ്‌സൈറ്റ് സന്ദർശിക്കുകയോ 9383445550 നമ്പറിൽ ബന്ധപ്പെടാവുന്നതോ ആണ്.
