തിരുവനന്തപുരം: സൗദി അറേബ്യയിലെ ആരോഗ്യമന്ത്രാലയത്തിലേക്ക് നോര്ക്ക റൂട്ട്സ് വഴി നഴ്സുമാരെ നിയമിക്കുന്നു. വിശദമായ ബയോഡേറ്റയും വിദ്യാഭ്യാസം, പ്രവര്ത്തിപരിചയം, പാസ്പോര്ട്ട് എന്നിവയുടെ പകര്പ്പുകളും സഹിതം rmt3.norka@kerala.gov.in എന്ന ഇ-മെയില് അപേക്ഷ നൽകണം. അപേക്ഷ ജൂലൈ 19 രാവിലെ 10 മണിക്കുള്ളിൽ ലഭിക്കണം. നിയമനത്തിനുള്ള അഭിമുഖം ജൂലൈ 22 മുതല് 26 വരെ കൊച്ചിയില് നടക്കും. ഡയാലിസിസ്, എമർജൻസി പീഡിയാട്രിക്, എമർജൻസി റൂം (ER), ജനറൽ നഴ്സിങ്, ഐസിയു അഡൾട്ട്, മെഡിസിൻ & സർജറി, കാർഡിയാക് കത്തീറ്ററൈസേഷൻ, കാർഡിയാക് ഐസിയു (മുതിർന്നവർക്കുള്ളത്), പ്രസവചികിത്സ/ഗൈനക്കോളജി (OB/GYN), ഓങ്കോളജി, ഓപ്പറേഷൻ തിയറ്റർ (OT/OR), പീഡിയാട്രിക് ഇന്റൻസീവ് കെയർ യൂണിറ്റ് (PICU) എന്നീ സ്പെഷ്യാലിറ്റികളിലേയ്ക്കാണ് നിയമനം. നഴ്സിങില് ബിരുദവും പോസ്റ്റ് ബിഎസ് സി യോഗ്യതയും കുറഞ്ഞത് ഒരു വർഷത്തെ പ്രവൃത്തിപരിചയവും വേണം. അഭിമുഖ സമയത്ത് പാസ്പോര്ട്ട് ഹാജരാക്കണം. കൂടുതല് വിവരങ്ങള്ക്ക് 0471-2770536, 539, 540, 577 എന്നീ നമ്പറുകളിലോ (ഓഫീസ് സമയത്ത്, പ്രവൃത്തിദിനങ്ങളില്) 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള് സര്വ്വീസ്) വിളിക്കാം.
കെ-ടെറ്റ് യോഗ്യത ഉത്തരവ് മരവിപ്പിച്ചു: സർക്കാർ സുപ്രീംകോടതിയിൽ റിവ്യൂ ഹർജി നൽകും
തിരുവനന്തപുരം:അധ്യാപകരുടെ KTET യോഗ്യത സംബന്ധിച്ച പുതുക്കിയ മാർഗനിർദ്ദേശങ്ങൾ അടങ്ങിയ ഉത്തരവ്...
