കൊച്ചി: എറണാകുളം പെരുമ്പാവൂരില് കോളജ് വിദ്യാർത്ഥികൾ സഞ്ചരിച്ച ടൂറിസ്റ്റ് ബസും ലോറിയും കൂട്ടിയിടിച്ച് അപകടം. 20 വിദ്യാര്ത്ഥികള്ക്ക് പരിക്കേറ്റു. പെരുമ്പാവൂർ സിഗ്നല് ജംഗ്ഷനിൽ ഇന്ന് പുലർച്ചെ 2.15നാണ് അപകടമുണ്ടായത്. കൊണ്ടോട്ടിയിലെ ആര്ട്സ് ആന്ഡ് സയന്സ് കോളജിൽ നിന്നുള്ള വിനോദ യാത്ര സംഘമാണ് അപകടത്തില്പെട്ടത്. 38 വിദ്യാര്ത്ഥികളാണ് ബസിലുണ്ടായിരുന്നത്. ഇതിനുപുറമെ ഒരു അധ്യാപകനും അദ്ദേഹത്തിന്റെ കുടുംബവും ബസ് ഡ്രൈവറും സഹായിയും ഉണ്ടായിരുന്നു. മൂന്നാറില്നിന്ന് വിനോദ യാത്ര കഴിഞ്ഞ് കൊണ്ടോട്ടിയിലേക്ക് തിരിച്ചു പോകുകയായിരുന്നു. ഇതിനിടെയാണ് മൂവാറ്റുപ്പുഴ ഭാഗത്തേക്ക് പോകുന്ന ലോറിയുമായി കൂട്ടിയിടിച്ചത്. പരിക്കേറ്റ 20 പേരില് ഗുരുതരമായി പരിക്കേറ്റ നാലു വിദ്യാര്ത്ഥികളെ എറണാകുളം രാജഗിരി ആശുപത്രിയിലേക്ക് മാറ്റി. മറ്റുള്ളവർ പെരുമ്പാവൂർ ആശുപത്രിയിലാണ്.
കേരള പബ്ലിക് സർവിസ് കമീഷൻനിയമനം: വിവിധ തസ്തികകളിലായി ഒട്ടേറെ ഒഴിവുകൾ
തിരുവനന്തപുരം: സംസ്ഥാനത്തെ വിവിധ വകുപ്പുകളിലെ തസ്തികളിലേക്കുള്ള നിയമനത്തിന് കേരള പബ്ലിക് സർവിസ്...
