ഫാർമസി, പാരാമെഡിക്കൽ ഡിപ്ലോമ അക്കാദമിക് വിവരങ്ങൾ

 

തിരുവനന്തപുരം:സർക്കാർ സ്വാശ്രയ സ്ഥാപനങ്ങളിലെ 2023-24 അധ്യയനവർഷത്തെ പ്രൊഫഷണൽ ഡിപ്ലോമ ഇൻ ഫാർമസി, ഹെൽത്ത് ഇൻസ്പെക്ടർ ആൻഡ് പാരാമെഡിക്കൽ കോഴ്സുകളിലേക്ക് അപേക്ഷിച്ചവരുടെ പ്രാഥമിക പരിശോധനക്ക് ശേഷമുള്ള വ്യക്തിഗത അക്കാദമിക് വിവരങ്ങൾ വെബ്സൈറ്റിൽ പ്രസിദ്ധീകരിച്ചു. അപേക്ഷകർ ലോഗിൻ ചെയ്തു പരിശോധിച്ച് ആവശ്യപ്പെട്ട രേഖകൾ സെപ്റ്റംബർ 19ന് വൈകിട്ട് 5 നകം അപ്ലോഡ് ചെയ്യണം. അപേക്ഷാർഥിയുടെ ക്ലെയിമുകൾക്കുള്ള സാധുവായ രേഖകൾ അപ്ലോഡ് ചെയ്യാത്തപക്ഷം ക്ലെയിമുകൾ നിരസിക്കപെടും. എസ്.സി/എസ്.ടി അപേക്ഷാർഥികൾ സാധുവായ ജാതി സർട്ടിഫിക്കറ്റ് അപ്ലോഡ് ചെയ്യാത്തപക്ഷം അവരുടെ ക്ലെയിമുകൾ/അപേക്ഷ നിരസിക്കപെടും. വിവരങ്ങൾ പരിശോധിച്ച് മാറ്റങ്ങൾ ഉണ്ടെങ്കിൽ അവ വരുത്താത്തതിന്റെ അനന്തരഫലങ്ങൾക്ക് പൂർണ ഉത്തരവാദിത്തം അപേക്ഷാർഥിക്കായിരിക്കും. കൂടുതൽ വിവരങ്ങൾക്ക്: 0471-2560363, 364.