തിരുവനന്തപുരം:കെഎസ്ആർടിസി സ്വിഫ്റ്റിൽ ഡ്രൈവർ കം കണ്ടക്ടർ ഒഴിവിലേക്ക് ഇപ്പോൾ അപേക്ഷിക്കാം. ആകെ 600 ഒഴിവുകൾ ഉണ്ട്. കരാർ നിയമനത്തിലാണ് നിയമനം. സെപ്റ്റംബർ 20വരെ അപേക്ഷിക്കാം. നിലവിലെ കെഎസ്ആർടിസി ജീവനക്കാർക്കും അപേക്ഷിക്കാം. 24 – 55 നുമിടയിൽ പ്രായമുള്ളവർക്കും , പത്താം ക്ലാസ്പാസായവർക്കും, മുപ്പതിലധികം സീറ്റുള്ള യാത്രാവാഹനങ്ങളിലെ അഞ്ചുവർഷത്തെ ഡ്രൈവിങ് പരിചയം കൂടാതെ ഇംഗ്ലീഷും മലയാളവും എഴുതുവാനും വായിക്കുവാനും അറിയണം തുടങ്ങിയ യോഗ്യതകളുടെ അടിസ്ഥാനത്തിലായിരിക്കും നിയമനം.
തിരഞ്ഞെടുക്കപ്പെടുന്നവർ മോട്ടോർ വാഹന വകുപ്പിൽ നിന്നും കണ്ടക്ടർ ലൈസൻസ് നേടണം. ശമ്പളം 8 മണിക്കൂർ സ്യൂട്ടിക്ക് 715 രൂപയും അധിക മണിക്കൂറുകൾക്ക് 130 രൂപ എന്നിങ്ങനെ ആയിരിക്കും. തിരഞ്ഞെടുക്കുന്നവർക്ക് ഡ്രൈവിംഗ് ടെസ്റ്റും ഇൻറർവ്യൂവും ഉണ്ടായിരിക്കും. മാത്രമല്ല തിരഞ്ഞെടുക്കപ്പെടുന്നവർ ചെയർമാൻ ആൻഡ് മാനേജിങ് ഡയറക്ടർ കെഎസ്ആർടിസി – സ്വിഫ്റ്റ് എന്ന പേരിൽ എടുത്ത റീഫണ്ട് ചെയ്യുന്ന 30000 രൂപയുടെ ഡിഡി സമർപ്പിക്കണം. അപേക്ഷ അയക്കുന്നവർ കൂടുതൽ വിവരങ്ങൾക്ക് http://kcmd.in എന്ന വെബ്സൈറ്റ് സന്ദർശിക്കുക.
