എഞ്ചിനീയറിങ് ബിരുദക്കാർക്ക് കരസേനയിൽ ഓഫീസറാകാം: ഓൺലൈൻ അപേക്ഷ ഫെബ്രുവരി 9 വരെ

SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP https://chat.whatsapp.com/DJyDol6Ntu898w1sWLREHb

ന്യൂഡൽഹി: കരസേനയിൽ എൻജിനീയറിങ് ബിരുദക്കാർക്ക് ഷോർട്ട് സർവിസ് കമീഷനിലൂടെ ഓഫിസറാകാം. അവിവാഹിതരായ പുരുഷന്മാർക്കും വനിതകൾക്കും അവസരം. സൈനികരുടെ വിധവകൾക്കും റിക്രൂട്ട്മെന്റിൽ പങ്കെടുക്കാം. വിവിധ എൻജിനീയറിങ് സ്ട്രീമുകളിലായി 189 ഒഴിവുകളുണ്ട്. സിവിൽ, ആർക്കിടെക്ചർ -49, കമ്പ്യൂട്ടർ സയൻ സ് ആൻഡ് എൻജിനീയറിങ്/ ഐ.ടി-42, ഇലക്ട്രി ക്കൽ/ഇലക്ട്രിക്കൽ ആൻഡ് ഇലക്ട്രോണിസ്/ ഇൻസ്ട്രുമെന്റേഷൻ -17, ഇലക്ട്രോണിക്സ് -26, മെക്കാനിക്കൽ -32, മറ്റ് ബ്രാഞ്ചുകൾ -9. എസ്.എസ്.സി ടെക് പുരുഷന്മാർക്കുള്ള ഒഴിവുകളാണിത്.

എസ്.എസ്.സി ടെക് വനിതകൾക്കായി 14 ഒഴിവു കളാണുള്ളത്. സിവിൽ -3, കമ്പ്യൂട്ടർ സയൻസ് -5, ഇലക്ട്രിക്കൽ-1, ഇലക്ട്രോണിക്സ്-2, മെക്കാനിക്കൽ -3, സൈനികരുടെ വിധവകൾക്ക് രണ്ട് ഒഴിവുകൾ ലഭ്യമാണ്. യോഗ്യത: ഏതെങ്കിലും ബ്രാഞ്ചിൽ എൻജിനീയറിങ് ബിരുദം. അവസാനവർഷ/സെമസ്റ്റർ ബി.ഇ/ബി.ടെക്/ബി.ആർക്/എം.എസ്.സിക്കാരെയും പരിഗണിക്കും. 2023 ഒക്ടോബർ ഒന്നിന് മുമ്പ് പരീക്ഷകൾ പൂർത്തിയാക്കിയിരിക്കണം. മെഡിക്കൽ, ഫിസിക്കൽ ഫിറ്റ്നസുണ്ടാകണം.

പ്രായപരിധി 2023 ഒക്ടോബർ ഒന്നിന് 20-27. 1996 ഒക്ടോബർ രണ്ടിനും 2003 ഒക്ടോബർ ഒന്നിനും മധ്യേ ജനിച്ചവരാകണം. സൈനികരുടെ വിധവകൾക്ക് 35 വയസ്സുവരെയാകാം. വിശദവിവരങ്ങൾ http://joinindianarmy.nic.in ൽ. ഓൺലൈനായി അപേക്ഷ ഫെബ്രുവരി ഒമ്പത് വൈകീട്ട് മൂന്നുവരെ സ്വീകരിക്കും.