SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP  https://chat.whatsapp.com/DJyDol6Ntu898w1sWLREHb

കാലടി: ശ്രീ ശങ്കരാചാര്യ സംസ്കൃത സർവകലാശാലയിലെ സെന്റർ ഫോർ ബുദ്ധിസ്റ്റ് സ്റ്റഡീസ്, കാലടി എസ് എൻ ഡി പി ലൈബ്രറിയുടെ സഹകരണത്തോടെ ‘ബോധോദയ ലോകങ്ങൾ /വാക്കുകൾ’ എന്ന വിഷയത്തിൽ ഇന്ന് രാജ്യാന്തര ത്രിദിന ഓൺലൈൻ സെമിനാർ സംഘടിപ്പിക്കും. (ജനുവരി നാലിന്) വൈകിട്ട് മൂന്നിന് പ്രോ വൈസ് ചാൻസലർ ഡോ. കെ മുത്തുലക്ഷ്മി സെമിനാർ ഉദ്ഘാടനം ചെയ്യും.

ശ്രീശങ്കരാചാര്യ സംസ്കൃത സർവകലാശാല സെന്റർ ഫോർ ബുദ്ധിസ്റ്റ് സ്റ്റഡീസ് കോഓർഡിനേറ്റർ ഡോ. അജയ് എസ്. ശേഖർ അധ്യക്ഷനായിരിക്കും. ആസ്ട്രേലിയയിലെ താൻസാനിയ ഗോൾഡൻവാലി ബോധിചിത്ത ആശ്രമ മഠാധിപതി അഭിവന്ദ്യ അയ്യാ യെഷെ, ബുദ്ധന്റെ മാനവികതയും ബൗദ്ധസ്ത്രീകളും എന്ന വിഷയത്തിൽ പ്രബന്ധം അവതരിപ്പിക്കും. അഞ്ചിന് വൈകിട്ട് എട്ടിന് ബുദ്ധിസവും നീതിയുടെ ഭരണഘടനാദർശനവും എന്ന സെമിനാറിൽ നാഷണൽ ജുഡീഷ്യൽ അക്കാഡമി മുൻ ഡയറക്ടർ ഡോ. മോഹന്‍ ഗോപാൽ പ്രബന്ധം അവതരിപ്പിക്കും. ആറിന് വൈകിട്ട് നാലിന് ബുദ്ധനും മാനവരാശിയുടെ ജ്ഞാനാന്വേഷണവും എന്ന വിഷയത്തിൽ നടക്കുന്ന സെമിനാറിൽ തിരുവനന്തപുരം വേ ഓഫ് ബോധി ഫൗണ്ടേഷനിലെ യോഗി പ്രബോധജ്ഞാന, യോഗിനി അഭയദേവി എന്നിവർ പ്രബന്ധങ്ങൾ അവതരിപ്പിക്കും. കൂടുതൽ വിവരങ്ങൾക്ക് 9895797798.