കരസേനയില്‍ 90ഒഴിവ്: പ്ലസ് ടു വിജയിച്ചവര്‍ക്ക് അപേക്ഷിക്കാം

SUBSCRIBE OUR YOUTUBE CHANNEL  https://youtube.com/c/SchoolVartha
JOIN OUR WHATSAPP GROUP  https://chat.whatsapp.com/DJyDol6Ntu898w1sWLREHb

ന്യൂഡല്‍ഹി: കരസേനയുടെ ടെക്‌നിക്കല്‍ എന്‍ട്രി സ്‌കീമിലേക്ക് അപേക്ഷിക്കാന്‍ അവസരം. 90 ഒഴിവുകള്‍ ഉണ്ട്. 2023 ജൂലൈയില്‍ ആരംഭിക്കുന്ന 49-ാമത് ബാച്ചിലേക്കാണ് അപേക്ഷ ക്ഷണിച്ചിരിക്കുന്നത്. അവിവാഹിതരായ പുരുഷന്മാര്‍ക്കാണ് അവസരം.

പ്ലസ് ടു വിജയമാണ് അടിസ്ഥാന വിദ്യാഭ്യാസ യോഗ്യത. ഫിസിക്‌സ്,കെമിസ്ട്രി, മാത്തമാറ്റിക്‌സ് എന്നിവ ഉള്‍പ്പെടുന്ന ഗ്രൂപ്പില്‍ 60% മാര്‍ക്ക് ലഭിച്ചവരാകണം. 2002ലെ ജെഇഇ മെയിന്‍ പരീക്ഷ എഴുതിയിരിക്കണം.ഷോര്‍ട്ട് ലിസ്റ്റ് ചെയ്യപ്പെടുന്നവരെ ഫെബ്രുവരി/ മാര്‍ച്ചില്‍ ആരംഭിക്കുന്ന എസ്എസ്ബി ഇന്റര്‍വ്യൂവിന് ക്ഷണിക്കും. രണ്ട് ഘട്ടങ്ങളിലായി അഞ്ച് ദിവസമായിട്ടായിരിക്കും ഇന്റര്‍വ്യൂ. ഇതില്‍ യോഗ്യത നേടുന്നവര്‍ക്ക് വൈദ്യ പരിശോധന ഉണ്ടായിരിക്കും.

അഞ്ചുവര്‍ഷത്തെ പരിശീലനം പൂര്‍ത്തിയാക്കുന്നവര്‍ക്ക് എന്‍ജിനീയറിങ് ബിരുദവും ലെഫ്റ്റനന്റ് റാങ്കില്‍ നിയമനവും ലഭിക്കും. പ്രായപരിധി 16 1/2-19 1/2 വയസ്സ്. (2004 ജനുവരി രണ്ടിനും 2007 ജനുവരി ഒന്നിനും ഇടയില്‍ ജനിച്ചവരാകണം). അപേക്ഷ സ്വീകരിക്കുന്ന അവസാന തീയതി ഡിസംബര്‍ 30. കൂടുതല്‍ വിവരങ്ങള്‍ക്ക് http://joinindianarmy.nic.in സന്ദര്‍ശിക്കുക.