SUBSCRIBE OUR YOUTUBE CHANNEL  https://youtube.com/c/SchoolVartha
JOIN OUR WHATSAPP GROUP https://chat.whatsapp.com/Lk83gpIkiuH9LHvkPOO7B8

എറണാകുളം: കൊച്ചിന്‍ ഷിപ്പിയാര്‍ഡില്‍ ഗ്രാജുവേറ്റ്, ടെക്‌നീഷ്യന്‍ അപ്രന്റീസ് ഒഴിവ്. 140 ഒഴിവിലേക്കാണ് അപേക്ഷ ക്ഷണിച്ചിരിക്കുന്നത്. ഗ്രാജുവേറ്റ് അപ്രന്റീസ് 70, ടെക്‌നീഷ്യന്‍ അപ്രന്റീസ് 70 എന്നിങ്ങനെയാണ് ഒഴിവുകള്‍. ഒരു വര്‍ഷത്തേക്കാണ് പരിശീലന കാലയളവ്. യോഗ്യത പരീക്ഷയില്‍ നേടുന്ന മാര്‍ക്കിന്റെ അടിസ്ഥാനത്തില്‍ ആയിരിക്കും തിരഞ്ഞെടുപ്പ്.

ഇലക്ട്രിക്കല്‍ എന്‍ജിനീയറിങ്, മെക്കാനിക്കല്‍, ഇലക്ട്രോണിക്‌സ്, സിവില്‍, കമ്പ്യൂട്ടര്‍ സയന്‍സ് , സേഫ്റ്റി എഞ്ചിനീയറിങ്, മറൈന്‍ എഞ്ചിനീയറിങ്, നേവല്‍ ആര്‍ക്കിടെക്ചര്‍ ആന്‍ഡ് ഷിപ്പ് ബില്‍ഡിങ് എന്നീ വിഭാഗങ്ങളിലേക്കാണ് ഗ്രാജുവേറ്റ് അപ്രന്റീസ് നിയമനം.

ഇലക്ട്രിക്കല്‍ എന്‍ജിനീയറിങ്, മെക്കാനിക്കല്‍, ഇലക്ട്രോണിക്‌സ്, ഇന്‍സ്ട്രുമെന്റേഷന്‍, സിവില്‍, കമ്പ്യൂട്ടര്‍ എന്‍ജിനീയറിങ്, കൊമേര്‍ഷ്യല്‍ പ്രാക്ടീസ് എന്നീ വിഭാഗങ്ങളിലേക്കാണ് ടെക്‌നീഷ്യന്‍ അപ്രന്റീസ് നിയമനം. ബന്ധപ്പെട്ട ബ്രാഞ്ചില്‍ എന്‍ജിനീയറിങ് ബിരുദം അല്ലെങ്കില്‍ ഡിപ്ലോമ എന്നിവയാണ് വിദ്യാഭ്യാസ യോഗ്യത. 18 വയസ്സിനു മുകളില്‍ പ്രായമുണ്ടായിരിക്കണം. ഗ്രാജുവേറ്റ് അപ്രന്റസിന് 12,000 രൂപയും ടെക്‌നീഷ്യന്‍ അപ്രന്റിസിന് 10,200 രൂപയുമാണ് സ്‌റ്റൈപ്പന്‍ഡ്. ഡിസംബര്‍ 7 വരെ അപേക്ഷിക്കാം. കൂടുതല്‍ വിശദാംശങ്ങള്‍ക്ക് http://cochinshipyard.in സന്ദര്‍ശിക്കുക.