കായികതാരങ്ങള്‍ക്ക് സിആര്‍പിഎഫില്‍ അവസരം: 322 ഒഴിവുകള്‍

SUBSCRIBE OUR YOUTUBE CHANNEL  https://youtube.com/c/SchoolVartha
JOIN OUR WHATSAPP GROUP  https://chat.whatsapp.com/Lk83gpIkiuH9LHvkPOO7B8

ന്യൂഡല്‍ഹി: സെന്‍ട്രല്‍ റിസര്‍വ് പോലീസ് ഫോഴ്‌സില്‍ സ്‌പോര്‍ട്‌സ് കോട്ട ഒഴിവുകളിലേക്ക് കായികതാരങ്ങള്‍ അപേക്ഷിക്കാം. 322 ഒഴിവുകള്‍ ഉണ്ട്. ദേശീയ സംസ്ഥാന തലങ്ങളില്‍ മികവ് തെളിയിച്ച കായിക താരങ്ങള്‍ക്കാണ് അവസരം. താല്‍ക്കാലിക നിയമനമാണ്. ഡിസംബര്‍ 13 നകം അപേക്ഷ സമര്‍പ്പിക്കണം.

ബാസ്‌ക്കറ്റ്‌ബോള്‍, ഫുട്‌ബോള്‍, അതലറ്റിക്‌സ്, ആര്‍ച്ചറി, ബോക്‌സിങ്, ബോഡി ബില്‍ഡിംഗ്, ബാഡ്മിന്റണ്‍, ഹാന്‍ഡ് ബോള്‍, ജൂഡോ, ഹോക്കി, കരാട്ടെ, കബഡി, ഷൂട്ടിംഗ്, സ്വിമ്മിംഗ്,വാട്ടര്‍ പോളോ, വോളിബോള്‍, വെയ്റ്റ് ലിഫ്റ്റിംഗ്, വാട്ടര്‍ സ്‌പോര്‍ട്‌സ്,റെസ്ലിംഗ്, വുഷു, ജിംനാസ്റ്റിക്‌സ് എന്നിവയാണ് യോഗ്യതയ്ക്ക് അടിസ്ഥാനമായ കായിക ഇനങ്ങള്‍.

വിദ്യാഭ്യാസ യോഗ്യത പ്ലസ് ടു അല്ലെങ്കില്‍ തതുല്യം. പ്രായപരിധി 18-23. ശമ്പളം 25,500-81,100രൂപ.ഉയര പരിശോധന രേഖകളുടെ പരിശോധന ശാരീരിക ക്ഷമത പരീക്ഷ ബന്ധപ്പെട്ട കായിക ഇനത്തിലുള്ള കഴിവ് പരിശോധന വൈദ്യപരിശോധന എന്നിവയുടെ അടിസ്ഥാനത്തില്‍ ആയിരിക്കും തിരഞ്ഞെടുപ്പ്.

Application for the recruitment of sports person in CRPF against sports quota-2022 എന്ന് അപേക്ഷിക്കുന്ന കവറിനു മുകളില്‍ രേഖപ്പെടുത്തണം. അപേക്ഷ ഫീസ് 100 രൂപ. വനിതകള്‍ എസി എസ് ടി വിഭാഗങ്ങള്‍ക്ക് ഫീസ് ഇല്ല. പോസ്റ്റല്‍ ഓര്‍ഡര്‍ , ഡിമാന്‍ഡ് ഡ്രാഫ്റ്റ്, ബാങ്കേഴ്‌സ് ചെക്ക് ആയി ഫീസ് അടക്കാം.