ബിരുദ, ഇന്റഗ്രേറ്റഡ് പ്രവേശനം: രണ്ടാം റാങ്ക് ലിസ്റ്റ് പ്രസിദ്ധീകരിച്ചു

SUBSCRIBE OUR YOUTUBE CHANNEL    https://youtube.com/c/SchoolVartha
JOIN OUR WHATSAPP GROUP  https://chat.whatsapp.com/DU5wztjhq7IK9HulRoICZe

കോട്ടയം: എംജി സർവകലാശാലയുടെ ബിരുദ, ഇന്റഗ്രേറ്റഡ് പ്രോഗ്രാമുകളിലേക്കുള്ള ഏകജാലക പ്രവേശനത്തിന്റെ രണ്ടാം അന്തിമ റാങ്ക് ലിസ്റ്റ് പ്രസിദ്ധീകരിച്ചു. ലിസ്റ്റിൽ ഉൾപ്പെട്ടവർ കോളജുകളുമായി ബന്ധപ്പെട്ട് പ്രവേശന സാധ്യത മനസ്സിലാക്കി നിർദ്ദിഷ്ട സമയത്ത് ഹാജരായി പ്രവേശനം ഉറപ്പാക്കണം.
റാങ്ക് ലിസ്റ്റിലെ ക്രമപ്രകാരം തന്നെയാണ് പ്രവേശനവും.  ലിസ്റ്റിൽ ഉൾപ്പെട്ടവർ നിശ്ചിത സമയത്ത് ഹാജരായില്ലെങ്കിൽ അടുത്ത റാങ്കിലുള്ളവരെ പ്രവേശനത്തിന് പരിഗണിക്കും. റാങ്ക് ലിസ്റ്റിലെ ക്രമം മറികടന്ന് പ്രവേശനം നടത്തുന്നതായി ശ്രദ്ധയിൽപ്പെട്ടാൽ സർവകലാശാലയുടെ ഏകജാലക സംവിധാനത്തിന്റെ ഇ- മെയിൽ വിലാസത്തിൽ രേഖാമൂലം പരാതി അയയ്ക്കാം.

റാങ്ക് ലിസ്റ്റ് -2 പ്രകാരമുള്ള പ്രവേശന നടപടിക്രമങ്ങൾ ഒക്ടോബർ 31ന് വൈകുന്നേരം നാലിനു മുൻപ് പൂർത്തീകരിക്കണം.