പോസ്റ്റ് ബേസിക് ഡിപ്ലോമ ഇൻ സ്‌പെഷ്യാലിറ്റി നഴ്‌സിങ്: സ്‌പോട്ട് അലോട്ട്‌മെന്റ് ഒക്‌ടോബർ 22ന് 

SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP  https://chat.whatsapp.com/DU5wztjhq7IK9HulRoICZe

തിരുവനന്തപുരം:കോട്ടയം,തിരുവനന്തപുരം, കണ്ണൂർ ഗവ. നഴ്‌സിങ് കോളേജുകളിൽ പോസ്റ്റ് ബേസിക് ഡിപ്ലോമ ഇൻ സ്‌പെഷ്യാലിറ്റി നഴ്‌സിങ് കോഴ്‌സിലേക്ക് സ്‌പോട്ട് അലോട്ട്‌മെന്റ് നടത്തും. ഒക്‌ടോബർ 22ന്  എൽ.ബി.എസ് സെന്റർ ജില്ലാ ഫെസിലിറ്റേഷൻ സെന്ററുകളിൽ രാവിലെ 10 നാണ് അലോട്മെന്റ് നടക്കുക. ലിസ്റ്റിൽ ഉൾപ്പെട്ടവർ രാവിലെ 11നകം നേരിട്ട് ഹാജരായി രജിസ്റ്റർ ചെയ്ത് സ്‌പോട്ട് അലോട്ട്‌മെന്റിൽ പങ്കെടുക്കാം. ഒഴിവുകളുടെ  വിശദാംശങ്ങൾ http://lbscentre.kerala.gov.in  ൽ അലോട്ട്‌മെന്റിനു മുൻപ്  പ്രസിദ്ധീകരിക്കും.

അലോട്ട്‌മെന്റ് ലഭിക്കുന്നവർ അന്നേ ദിവസം തന്നെ നിർദ്ദിഷ്ടഫീസ് അടയ്ക്കണം. അലോട്ട്‌മെന്റ് ലഭിച്ചവർ അതത്  കോളേജുകളിൽ ഒക്‌ടോബർ 26ന്  5 മണിയ്ക്കകം  പ്രവേശനം നേടണം. കൂടുതൽ വിവരങ്ങൾക്ക്: 0471-2560363, 364.