SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP https://chat.whatsapp.com/HQhjpKVfYW18KNNmRpNRq0

തിരുവനന്തപുരം: കിറ്റ്‌സിൽ കേരളാ സർവകലാശാലയുടെ കീഴിൽ എ.ഐ.സി.ടി.ഇ യുടെ അംഗീകാരത്തോടെ നടത്തുന്ന എം.ബി.എ. (ട്രാവൽ ആന്റ് ടൂറിസം) കോഴ്‌സിൽ ഒഴിവുള്ള സീറ്റിലേക്കുള്ള സ്‌പോട്ട് അഡ്മിഷൻ ഒക്‌ടോബർ 10ന് രാവിലെ 10 ന് നടത്തും. 50 ശതമാനം മാർക്കോടെ ബിരുദമുള്ളവർ അസൽ സർട്ടിഫിക്കറ്റുകളുമായി  തിരുവനന്തപുരം തൈയ്ക്കാടുള്ള കിറ്റ്‌സിന്റെ ഓഫീസിൽ നേരിട്ട് ഹാജരാകണം.  കൂടൂതൽ വിവരങ്ങൾക്ക്: 9446529467/ 9447013046, 04712329539, 2327707.

എം.സി.എ സ്‌പോട്ട് അഡ്മിഷൻ
കേരള സർക്കാർ സ്ഥാപനമായ ഐ.എച്ച്.ആർ.ഡിയുടെ കീഴിൽ പ്രവർത്തിക്കുന്ന ചെങ്ങന്നൂർ എൻജിനിയറിങ് കോളേജ്, ചേർത്തല എൻജിനിയറിങ് കോളേജ്, പൂഞ്ഞാർ എൻജിനിയറിങ് കോളേജിലേക്ക്   എം.സി.എ കോഴ്‌സിൽ 2022-23 വർഷത്തെ പ്രവേശനത്തിനായി  ജനറൽ/ റിസർവേഷൻ സീറ്റുകളിലേക്ക് സ്‌പോട്ട് അഡ്മിഷൻ നടന്നുവരുന്നു. ഡിഗ്രി തലത്തിലോ, പ്ലസ്ടു തലത്തിലോ മാത്തമാറ്റിക്‌സ് പഠിക്കുകയും ഡിഗ്രിക്ക് കുറഞ്ഞത് 50 ശതമാനം മാർക്കെങ്കിലും ലഭിക്കുകയും (റിസർവേഷൻ സീറ്റ് – 45 ശതമാനം) ചെയ്തവർക്ക് (LBS, MCA പ്രോസ്പക്ടസ് 2022 പ്രകാരം) അപേക്ഷിക്കാം.

LBS റാങ്ക് ലിസ്റ്റിൽ ഉൾപ്പെടാത്തവർക്കും പങ്കെടുക്കാവുന്നതാണ്. താല്പര്യമുള്ള വിദ്യാർത്ഥികൾ യോഗ്യത തെളിയിക്കുന്നതിനുള്ള സർട്ടിഫിക്കറ്റുകൾ സഹിതം കോളേജുകളിൽ ഹാജരാകണം.  വിശദവിവരങ്ങൾക്ക്    ഐ.എച്ച്.ആർ.ഡി വെബ് സൈറ്റ് സന്ദർശിക്കുകയോ താഴെ പറയുന്ന ഫോൺ നമ്പറിൽ  ബന്ധപ്പെടുകയോ ചെയ്യണം.

ചെങ്ങന്നൂർ  എൻജിനിയറിങ് കോളേജ് (0479-2454125, 2455125),  ചേർത്തല എൻജിനിയറിങ് കോളേജ് (0478-2552714, 2553416), പൂഞ്ഞാർ  എൻജിനിയറിങ് കോളേജ് (0482 -2271737, 2271511).