കേരള ആർക്കിടെക്ചർ ഫലം: ഒന്നാം റാങ്ക് മലപ്പുറം സ്വദേശി ഫയിസ് അഹമ്മദിന്

തിരുവനന്തപുരം: ഈ വർഷത്തെ കേരള ആർക്കിടെക്ചർ റാങ്ക് ലിസ്റ്റ് പ്രസിദ്ധീകരിച്ചു. മലപ്പുറം സ്വദേശി ചെമ്മലപറമ്പിൽ വൈനയിൽ വിട്ടിൽ ഫയിസ് അഹമ്മദ് ഒന്നാം റാങ്ക് നേടി. തിരുവനന്തപുരം തിരുമല അന്നൂർ സ്വദേശി രഞ്ജി ഭവനിലെ ആർ.എസ്. അതുല്യയ്ക്കാണ് രണ്ടാം റാങ്ക്. തിരുവനന്തപുരം വികാസ് ഭവനിലെ ന്യൂനന്ദാവനം അപ്പാർട്ട്മെന്റിലെ ലോറ തോമസ് മൂന്നാം റാങ്കും നേടി.

നാലാം റാങ്ക് ത്രിശ്ശൂർ തലക്കോട്ടുകര സ്വദേശി കുട്ടിക്കാട്ട് വീട്ടിൽ മരിയ സൂസൻ നേടി.
കൗൺസിൽ ഓഫ് ആർക്കിടെക്ചർ നടത്തിയ ദേശീയ അഭിരുചിപരീക്ഷയിലെ
സ്കോറിനും യോഗ്യതാപരീക്ഷയിലെ മാർക്കിനും തുല്യപരിഗണന നൽകിയാണ് റാങ്ക് പട്ടിക തയ്യാറാക്കിയത്. ഫലം http://cee.kerala.gov.in ലഭ്യമാണ്. കൂടുതൽ വിവരങ്ങൾക്ക് 04712525300.