തൊഴിലും വിദ്യാഭ്യാസവും തമ്മിലുള്ള വിടവ് നികത്തണം: മന്ത്രി പ്രഫ. ആർ ബിന്ദു

SUBSCRIBE OUR YOUTUBE CHANNEL https://youtube.com/c/SchoolVartha

JOIN OUR WHATSAPP GROUP https://chat.whatsapp.com/IudqmDL1gDWB5Cvn85qQ5P

തിരുവനന്തപുരം: ഉന്നതവിദ്യാരംഗത്തെ വിവിധ അധ്യാപക-അനധ്യാപക സംഘടനാ നേതാക്കളുമായി ഉന്നത വിദ്യാഭ്യാസ മന്ത്രി പ്രഫ. ആർ. ബിന്ദു കൂടിക്കാഴ്ച നടത്തി. ഉന്നതവിദ്യാഭ്യാസ മേഖലയുടെ സമഗ്രപരിഷ്‌കരണത്തിന് സർക്കാർ നിയോഗിച്ച മൂന്ന് കമ്മീഷനുകളും റിപ്പോർട്ട്

നൽകിയ പശ്ചാത്തലത്തിലായിരുന്നു കൂടിക്കാഴ്ച. കാലത്തിന്റെ വെല്ലുവിളികൾ നേരിടാൻ കഴിയുന്ന തരത്തിൽ കുട്ടികളെ സജ്ജരാക്കാൻ കഴിയേണ്ടതിന്റെ അനിവാര്യത മന്ത്രി യോഗത്തിൽ ചൂണ്ടിക്കാട്ടി. തൊഴിലും വിദ്യാഭ്യാസവും തമ്മിലുള്ള വിടവ് നികത്തണം. ഇപ്പോഴും വിദ്യാർത്ഥി കേന്ദ്രിതമായ നിലയിലേക്ക് മാറാൻ നമുക്ക് കഴിഞ്ഞിട്ടില്ല. തൊഴിലുത്പാദകപരമായ

സംരംഭങ്ങളിലേക്ക് കുട്ടികളെ കൊണ്ടുപോകാൻ കഴിയുന്ന സ്റ്റാർട്ട് അപ്പ് എൻവിയോൺമെന്റ് എല്ലാ സ്ഥാപനങ്ങളിലും സൃഷ്ടിക്കണമെന്ന് മന്ത്രി നിർദേശിച്ചു. കുട്ടികളുടെ സ്വന്തം ആശയങ്ങൾക്ക് പ്രയോഗികാവിഷ്‌കാരം നൽകാൻ വഴിയൊരുക്കി പുതിയ ഉത്പന്നങ്ങളിലേക്കും പുതിയ കണ്ടുപിടിത്തങ്ങളിലേക്കും അവരെ നയിക്കാൻ സാധിക്കണം. അവരുടെ

മൗലികത, അന്വേഷണങ്ങൾ, സർഗ്ഗാത്മകത ഇവയെയെല്ലാം ഇണക്കിക്കൊടുക്കുന്ന രീതി സ്വാംശീകരിക്കാനാവണം.
കേരളത്തിന്റെ വിവിധ ആവശ്യങ്ങൾ പ്രതിഫലിക്കുന്ന മേഖലകളിൽ ആഴത്തിൽ ഗവേഷണം ചെയ്യാനാണ് നവകേരള ഫെല്ലോഷിപ്പുകൾ നൽകിത്തുടങ്ങിയത്. അത്തരമൊരു പരിപ്രേക്ഷ്യ മാറ്റത്തിലേക്ക് വിദ്യാഭ്യാസരീതിയെ മാറ്റിയെടുക്കാൻ മുന്നിൽനിന്ന് പ്രവർത്തിക്കാൻ അക്കാദമിക രംഗത്തുള്ളവർക്ക് കഴിയണം. സമഗ്രമായ റിപ്പോർട്ടുകളാണ് കമ്മീഷനുകൾ

തയ്യാറാക്കിയിട്ടുള്ളത്. നിർദേശങ്ങളിൽ നടപ്പാക്കാവുന്നവ എത്രയും പെട്ടെന്ന് നടപ്പാക്കാൻ നടപടികൾ തുടങ്ങുമെന്ന് മന്ത്രി വ്യക്തമാക്കി.

• ഇനി പ്രീ പ്രൈമറി കുട്ടികൾക്കും കായികോത്സവം
• ഇനി അവധി വേണ്ട: സ്വാതന്ത്ര്യദിനം, ഗാന്ധിജയന്തി, റിപ്പബ്ലിക് ദിനം തുടങ്ങിയ ദിവസങ്ങളില്‍ സ്കൂളുകൾ പ്രവർത്തിക്കണമെന്ന് ബാലാവകാശ കമ്മീഷൻ
• NEET-UG 2026: അപേക്ഷാ തിരുത്തലുകൾക്ക് ഇന്ന് ഉച്ചമുതൽ തുടക്കം
• പ്ലസ്ടുവിന് ശേഷം എന്ത്? മികച്ച കോഴ്സുകളും പഠനകേന്ദ്രങ്ങളും അറിയാം
• സ്‌കൂൾ ഉച്ചഭക്ഷണത്തിന് വിറകടുപ്പ് ഉപയോഗിക്കാൻ അനുമതി