സംസ്ഥാന ജൈവ വൈവിധ്യ ബോർഡിൽ ജില്ലാ കോ-ഓർഡിനേറ്റർ നിയമനം

SUBSCRIBE OUR YOUTUBE CHANNEL https://youtube.com/c/SchoolVartha JOIN OUR WHATSAPP GROUP https://chat.whatsapp.com/HGUHgZJ60Yr4eQPQ7jETYP

തിരുവനന്തപുരം: സംസ്ഥാന ജൈവ വൈവിധ്യ ബോർഡ് വിവിധ ജില്ലകളിൽ ജില്ലാ കോ-ഓർഡിനേറ്റർ നിയമനം നടത്തുന്നു. തിരുവനന്തപുരം, തൃശൂർ, പാലക്കാട്, മലപ്പുറം, കണ്ണൂർ എന്നീ ജില്ലകളിലാണ് ഓരോ കോ-ഓർഡിനേറ്റർമാരെ നിയമിക്കുന്നത്. പ്രതിമാസം 22,290 രൂപയാണ് ലഭിക്കുക. അപേക്ഷകർ അംഗീകൃത സർവകലാശാലയിൽ നിന്ന് എം.എസ്സി ബയോളജിക്കൽ സയൻസസ് / ലൈഫ് സയൻസസ് / എൻവയോൺമെന്റൽ സയൻസസ് / ബയോടെക്നോളജി / എംഎസ്ഡബ്ലിയു, പിഎച്ച്.ഡി/എം.ഫിൽ ബിരുദം, പരിസ്ഥിതി/ജൈവവൈവിധ്യ സംരക്ഷണവുമായി ബന്ധപ്പെട്ട പ്രവർത്തനങ്ങളിൽ കുറഞ്ഞത് 2 വർഷത്തെ പരിചയം എന്നീ യോഗ്യത ഉള്ളവരായിരിക്കണം. 45 വയസ്സിന് താഴെയുള്ളവർക്ക്  മുൻഗണന ഉണ്ടായിരിക്കും. അതത് ജില്ലകളിൽ താമസിക്കുന്ന ഉദ്യോഗാർത്ഥികൾ മാത്രമേ ഈ തസ്തികകളിലേക്ക് അപേക്ഷിക്കാവൂ. യോഗ്യതയുമുള്ള ഉദ്യോഗാർത്ഥികൾ കേരള സംസ്ഥാന ജൈവവൈവിധ്യ ബോർഡിന്റെ www.keralabiodiversity.org ഔദ്യോഗിക വെബ്‌സൈറ്റിൽ നൽകിയിരിക്കുന്ന ഗൂഗിൾ ഫോം ലിങ്ക് വഴി ആധാറിന്റെ സോഫ്റ്റ് കോപ്പിയും യോഗ്യതയും മാർക്കും പരിചയവും തെളിയിക്കുന്നതിനുള്ള സർട്ടിഫിക്കറ്റുകളും സഹിതം 16.08.2022-നോ അതിനുമുമ്പോ അപേക്ഷ സമർപ്പിക്കണം.