SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP https://chat.whatsapp.com/GnI8Hht4huJCZPI8rISqz0
തിരുവനന്തപുരം: 2022-23 അധ്യയന വര്‍ഷത്തേക്കുള്ള പട്ടികജാതി വിദ്യാര്‍ത്ഥികള്‍ക്കുള്ള പോസ്റ്റ് മെട്രിക് സ്‌കോളര്‍ഷിപ്പിനായി ഇപ്പോൾ അപേക്ഷിക്കാം. മുൻ വർഷങ്ങളെക്കാൾ വ്യത്യസ്തമായാണ് ഈ വർഷത്തെ രജിസ്‌ട്രേഷന്‍ നടപടികൾ. 2022-23 വര്‍ഷം ഫ്രഷ്/റിന്യൂവൽ ആയി അപേക്ഷിക്കുന്ന എല്ലാ പട്ടികജാതി വിദ്യാര്‍ത്ഥികളും അവരുടെ ബാങ്ക് അക്കൗണ്ട് ആധാറുമായി ലിങ്ക് ചെയ്തിരിക്കണം. ഈ വര്‍ഷം മുതല്‍ കേന്ദ്ര സര്‍ക്കാരിന്‍റെ പേയ്‌മെന്‍റ് പോര്‍ട്ടല്‍ ആയ പിഎഫ്എംഎസ് മുഖേനയുളള ആധാര്‍ പേയ്‌മെന്‍റ് ആയതിനാല്‍ ആധാര്‍ ലിങ്ക് ചെയ്തിട്ടുളള അക്കൗണ്ടിലേയ്ക്ക് മാത്രമേ വിദ്യാഭ്യാസാനുകൂല്യങ്ങള്‍ ലഭിക്കൂ.
![\"\"](\"https://schoolvartha.com/wp-content/uploads/2022/06/20220630_195852-1024x576.jpg\")
അക്കൗണ്ട് ആധാറുമായി ലിങ്ക് ചെയ്ത ശേഷം 2022 – 23 വര്‍ഷം ഫ്രഷ് / റിന്യൂവൽ ആയി അപേക്ഷിക്കുന്ന സിഎസ്എസ് പരിധിയില്‍ വരുന്ന (2.50 ലക്ഷം വരെ വാര്‍ഷിക വരുമാനമുളള) എല്ലാ പട്ടികജാതി വിദ്യാര്‍ത്ഥികളും നാഷണൽ സ്കോളർഷിപ്പ് പോർട്ടലിൽ രജിസ്റ്റര്‍ ചെയ്യേണ്ടതാണ്. തുടര്‍ന്ന് നാഷണൽ സ്കോളർഷിപ്പ് പോർട്ടലിൽ നിന്നും ലഭിക്കുന്ന രജിസ്‌ട്രേഷന്‍ ഐ.ഡി ഉപയോഗിച്ച് ഇ-ഗ്രാന്‍റ്സ് പോര്‍ട്ടല്‍ സ്‌കോളര്‍ഷിപ്പ് അപേക്ഷ രജിസ്റ്റര്‍ ചെയ്യണം. നാഷണല്‍ സ്കോളർഷിപ്പ് പോർട്ടലിലേക്കുളള ലിങ്ക് ഇ-ഗ്രാന്‍റ് സ്ലോഗിനില്‍ ലഭിക്കും.
- ചോദ്യങ്ങൾ ചോർത്തി അത് ‘പ്രവചനം’ ആക്കുന്നു: പിന്നിൽ വലിയ കച്ചവട തന്ത്രം
- സ്കൂൾ പരീക്ഷ ചോദ്യപ്പേപ്പർ മുൻകൂട്ടി യുട്യൂബ് ചാനലിൽ: കുറ്റവാളികൾക്കെതിരെ കർശന നടപടിയെടുക്കും
- മന:പാഠം പഠിച്ചുമാത്രം സ്കൂൾ പരീക്ഷ എഴുതരുത്: വിദ്യാർത്ഥിയുടെ പഠന മികവ് പരിശോധിക്കണം
- പരീക്ഷകളുടെ ചോദ്യങ്ങൾ മുൻകൂട്ടി സ്വകാര്യ ഓൺലൈൻ മാധ്യമങ്ങളിൽ: കർശന നടപടി വേണമെന്ന് അധ്യാപകർ
- എൽഎസ്എസ്, യുഎസ്എസ് പരീക്ഷയുടെ വിജ്ഞാപനം
![\"\"](\"https://schoolvartha.com/wp-content/uploads/2022/06/WhatsApp-Image-2022-06-24-at-3.45.24-PM-1024x1024.jpeg\")
2022-23 വര്‍ഷം മുതല്‍ യുഡിഐഎസ്ഇ/എഐഎസ്എച്ച്ഇ കോഡ് ഉളള സ്ഥാപനങ്ങള്‍ക്ക് മാത്രമേ സ്‌കോളര്‍ഷിപ്പ് തുക ലഭിക്കൂ. പ്രസ്തുത കോഡ് ഇല്ലാത്ത സ്ഥാപനങ്ങള്‍ എത്രയും വേഗം ആയത് ലഭ്യമാക്കേണ്ടതാണ്. കൂടുതല്‍ വിവരങ്ങള്‍ക്ക് വിദ്യാര്‍ത്ഥികള്‍ സ്ഥാപന മേധാവിയുമായി ബന്ധപ്പെടേണ്ടതാണ്.
