SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP https://chat.whatsapp.com/GnI8Hht4huJCZPI8rISqz0
തിരുവനന്തപുരം: 2022-23 അധ്യയന വര്ഷത്തേക്കുള്ള പട്ടികജാതി വിദ്യാര്ത്ഥികള്ക്കുള്ള പോസ്റ്റ് മെട്രിക് സ്കോളര്ഷിപ്പിനായി ഇപ്പോൾ അപേക്ഷിക്കാം. മുൻ വർഷങ്ങളെക്കാൾ വ്യത്യസ്തമായാണ് ഈ വർഷത്തെ രജിസ്ട്രേഷന് നടപടികൾ. 2022-23 വര്ഷം ഫ്രഷ്/റിന്യൂവൽ ആയി അപേക്ഷിക്കുന്ന എല്ലാ പട്ടികജാതി വിദ്യാര്ത്ഥികളും അവരുടെ ബാങ്ക് അക്കൗണ്ട് ആധാറുമായി ലിങ്ക് ചെയ്തിരിക്കണം. ഈ വര്ഷം മുതല് കേന്ദ്ര സര്ക്കാരിന്റെ പേയ്മെന്റ് പോര്ട്ടല് ആയ പിഎഫ്എംഎസ് മുഖേനയുളള ആധാര് പേയ്മെന്റ് ആയതിനാല് ആധാര് ലിങ്ക് ചെയ്തിട്ടുളള അക്കൗണ്ടിലേയ്ക്ക് മാത്രമേ വിദ്യാഭ്യാസാനുകൂല്യങ്ങള് ലഭിക്കൂ.
![\"\"](\"https://schoolvartha.com/wp-content/uploads/2022/06/20220630_195852-1024x576.jpg\")
അക്കൗണ്ട് ആധാറുമായി ലിങ്ക് ചെയ്ത ശേഷം 2022 – 23 വര്ഷം ഫ്രഷ് / റിന്യൂവൽ ആയി അപേക്ഷിക്കുന്ന സിഎസ്എസ് പരിധിയില് വരുന്ന (2.50 ലക്ഷം വരെ വാര്ഷിക വരുമാനമുളള) എല്ലാ പട്ടികജാതി വിദ്യാര്ത്ഥികളും നാഷണൽ സ്കോളർഷിപ്പ് പോർട്ടലിൽ രജിസ്റ്റര് ചെയ്യേണ്ടതാണ്. തുടര്ന്ന് നാഷണൽ സ്കോളർഷിപ്പ് പോർട്ടലിൽ നിന്നും ലഭിക്കുന്ന രജിസ്ട്രേഷന് ഐ.ഡി ഉപയോഗിച്ച് ഇ-ഗ്രാന്റ്സ് പോര്ട്ടല് സ്കോളര്ഷിപ്പ് അപേക്ഷ രജിസ്റ്റര് ചെയ്യണം. നാഷണല് സ്കോളർഷിപ്പ് പോർട്ടലിലേക്കുളള ലിങ്ക് ഇ-ഗ്രാന്റ് സ്ലോഗിനില് ലഭിക്കും.
- അധ്യാപകർക്ക് ജോലി നഷ്ടമാകരുത്: കെ-ടെറ്റിന് കൂടുതൽ ഇളവുകൾ
- 2022 മാർച്ച് 31 വരെയുള്ള അധ്യാപരുടെ ജോലി സംരക്ഷണം ഉറപ്പാക്കും: സർക്കുലർ ഉടൻ
- ഐഡിബിഐ ബാങ്കിൽ അസി.മാനേജർ: 1300 ഒഴിവുകൾ
- വിദ്യാർത്ഥികളുടെ ശ്രദ്ധയ്ക്ക്: ഇന്നത്തെ വിദ്യാഭ്യാസ വാർത്തകൾ ചുരുക്കത്തിൽ
- സ്കൂൾ വിദ്യാർത്ഥികൾക്ക് വേനൽ അവധിക്ക് സ്പെഷ്യൽ അരി: വിതരണം 31നകം
![\"\"](\"https://schoolvartha.com/wp-content/uploads/2022/06/WhatsApp-Image-2022-06-24-at-3.45.24-PM-1024x1024.jpeg\")
2022-23 വര്ഷം മുതല് യുഡിഐഎസ്ഇ/എഐഎസ്എച്ച്ഇ കോഡ് ഉളള സ്ഥാപനങ്ങള്ക്ക് മാത്രമേ സ്കോളര്ഷിപ്പ് തുക ലഭിക്കൂ. പ്രസ്തുത കോഡ് ഇല്ലാത്ത സ്ഥാപനങ്ങള് എത്രയും വേഗം ആയത് ലഭ്യമാക്കേണ്ടതാണ്. കൂടുതല് വിവരങ്ങള്ക്ക് വിദ്യാര്ത്ഥികള് സ്ഥാപന മേധാവിയുമായി ബന്ധപ്പെടേണ്ടതാണ്.
