വിദ്യാഭ്യാസ സ്ഥാപനങ്ങളിലെ പ്രവേശന ക്രമക്കേടുകൾ തടയാൻ പ്രത്യേക സമിതി വേണമെന്ന് ശുപാർശ

JOIN OUR WHATS APP GROUP https://chat.whatsapp.com/BgCqemi9LED6IajnbZJh7s

ന്യൂഡൽഹി: രാജ്യത്തെ സ്കൂളുകളിലേക്കും ഉന്നതവിദ്യാഭ്യാസ സ്ഥാപനങ്ങളിലേക്കും പ്രവേശനം നടത്തുന്ന ഏജൻസികളെ
നിയന്ത്രിക്കാൻ കേന്ദ്ര നോഡൽ
ഏജൻസിക്കു രൂപം നൽകണമെന്ന് ബിപിആർഡിയുടെ ശുപാർശ. വിവിധ കോഴ്സുകളിലെ പ്രവേശന നടപടികളിലുള്ള ക്രമക്കേടുകൾ തടയുക എന്ന ഉദ്ദേശത്തോടെയാണ് ഗവേഷണ സ്ഥാപനമായ \’ദ് ബ്യൂറോ ഓഫ് പൊലീസ് റിസർച് ആൻഡ് ഡവ ലപ്മെന്റ് \’ (ബിപിആർഡി) കേന്ദ്ര ആഭ്യന്തര മന്ത്രാലയത്തിനു ശുപാർശ സമർപ്പിച്ചത്.
രാജ്യത്തെയും വിദേശത്തെയും വിദ്യാഭ്യാസ -ഉപരിപഠന സാദ്ധ്യതകൾ മുന്നിൽകണ്ടു ഒട്ടേറെ ഏജൻസികൾ രാജ്യത്ത് പ്രവർത്തിക്കുന്നുണ്ട്.

ഇത്തരം ഏജൻസികളെ നിരീക്ഷിക്കാൻ
സംസ്ഥാനതലങ്ങളിലും സമിതി
രൂപീകരിക്കണമെന്ന് ശുപാർശയിൽ പറയുന്നു. ക്രമക്കേടു നടത്തുന്ന
ഏജൻസികളിൽ പരിശോധന നടത്താനും
നടപടി ആവശ്യപ്പെട്ട് പൊലീസിന് റിപ്പോർട്ട്
സമർപ്പിക്കാനും സമിതിക്ക് അധികാരം
നൽകണമെന്നും ബിപിആർഡി ശുപാർശ
ചെയ്യുന്നു. ജില്ലാതലത്തിൽ
ശേഖരിക്കുന്ന വിവരങ്ങൾ സംസ്ഥാന
സമിതിക്കും പിന്നീട് കേന്ദ്ര ഏജൻസിക്കു കൈമാറണം. ഏജൻസികൾ, കോച്ചിങ് കേന്ദ്രങ്ങൾ എന്നിവയുടെ വിവരങ്ങൾ കേന്ദ്ര സമിതി സൂക്ഷിക്കും. സമിതികളിൽ നോഡൽ ഓഫിസർക്കു പുറമേ കരിയർ
കൗൺസലർമാർ, മനഃശാസ്ത്രജ്ഞർ
എന്നിവരുമുണ്ടാകും. തുടർപഠനത്തിനുള്ള
സ്ഥാപനങ്ങൾ തിരഞ്ഞെടുക്കാനും
പഠനവുമായി ബന്ധപ്പെട്ട സമ്മർദങ്ങൾ
അകറ്റാനും വിദ്യാർഥികളെ ഇവർ
സഹായിക്കണം.