കേരള മെഡിക്കൽ, എൻജിനീയറിങ് പ്രവേശന പരീക്ഷ: അപേക്ഷ ഇന്നുമുതൽ

JOIN OUR WHATS APP GROUP https://chat.whatsapp.com/FyyfPtfe7UH0SaSpt5RgSW

തിരുവനന്തപുരം: സംസ്ഥാനത്തെ മെഡിക്കൽ/  എൻജിനീയറിങ്/ ആർകിടെക്ചർ / ഫാർമസി കോഴ്സുകളിലേക്കുള്ള 2022-23 അധ്യയന വർഷത്തെ പ്രവേശന പരീക്ഷയ്ക്ക് ഇന്ന്മുതൽ (ഏപ്രിൽ 6മുതൽ) അപേക്ഷ സമർപ്പിക്കാം. ഫീസ് അടക്കാനും അപേക്ഷ സമർപ്പിക്കാനുമുള്ള അവസാന തീയതി ഏപ്രിൽ 30ന് വൈകിട്ട് 5വരെയാണ്.  പ്രവേശനവുമായി ബന്ധപ്പെട്ട രേഖകൾ ഓൺലൈനായി സമർപ്പിക്കാനുള്ള അവസാന തീയതി മെയ് 10 ആണ്.
സംവരണ വിഭാഗത്തിൽ ഉൾപ്പെടുന്നവരും എൻആർഐ ക്വാട്ടാ സീറ്റുകളിൽ പ്രവേശനം ആഗ്രഹിക്കുന്നവരും ആവശ്യമായ രേഖകൾ കരുതണം.

എൻജിനീയറിങ്/ ഫാർമസി പ്രവേശന പരീക്ഷ ജൂൺ 26ന് ആണ് നടക്കുക. മെഡിക്കൽ അടക്കമുള്ള മറ്റു പ്രോഗ്രാമുകളിലേക്ക് NEET വഴിയും ആർക്കിടെക്ചർ പ്രവേശനം \’നാറ്റാ\’ പരീക്ഷയിലെ സ്കോർ പരിഗണിച്ചുമാണ് നടത്തുക. ഈ വിഭാഗങ്ങളിൽ ഉൾപ്പെടുന്ന വിദ്യാർത്ഥികളും നാളെ മുതൽ അപേക്ഷ സമർപ്പിക്കണം.
ജൂലൈ 25നോ അതിനുമുമ്പ് ഫലം പ്രസിദ്ധീകരിക്കും റാങ്ക് പട്ടിക ആഗസ്റ്റ് 15 നകം പ്രസിദ്ധീകരിക്കും. മെഡിക്കൽ അനുബന്ധ കോഴ്സുകളിൽ പ്രവേശനം നീറ്റ് യുജി പരീക്ഷയും ആർക്കിടെക്ചർ കോഴ്സിലേക്ക് ദേശീയ അഭിരുചി പരീക്ഷയായ നാറ്റയും അടിസ്ഥാനപ്പെടുത്തിയായിരിക്കും.
മെഡിക്കൽ/  ആർക്കിടെക്ചർ കോഴ്സുകളിൽ സംസ്ഥാന കൗൺസിലിങ്ങിലൂടെ കേരളത്തിലെ സർക്കാർ/ സ്വാശ്രയ കോളേജുകളിൽ  പ്രവേശനം ആഗ്രഹിക്കുന്നവർ നിർബന്ധമായും കീമിന് അപേക്ഷ നൽകേണ്ടതാണ്.