ഭാരത് ഇലക്ട്രോണിക്സിൽ അവസരം: മാർച്ച്‌ 23 വരെ സമയം

JOIN OUR WHATS APP GROUP https://chat.whatsapp.com/FyyfPtfe7UH0SaSpt5RgSW

ബംഗളൂരു: ഭാരത് ഇലക്ട്രോണിക്സിന്റെ ബംഗളൂരു കോംപ്ലക്സിൽ സീനിയർ എൻജിനീയർ, പ്രോജെക്ട് എൻജിനീയർ എന്നീ തസ്തികകളിലായുള്ള 29 ഒഴിവിലേക്ക് ഇപ്പോൾ അപേക്ഷിക്കാം. വ്യത്യസ്ത വിജ്ഞാപനങ്ങളിലായാണ് അപേക്ഷ ക്ഷണിച്ചിരിക്കുന്നത്.

തസ്തികകളും യോഗ്യതയും:

സീനിയർ എൻജിനീയർ- 14: ബി.ഇ./ബി.ടെക്./എം.ഇ./എം.ടെക്. (ഇലക്ട്രോണിക്സ്, ഇലക്ട്രോണിക്സ് ആൻഡ് കമ്യൂണിക്കേഷൻ, ടെലികമ്യൂണിക്കേഷൻ, കമ്യൂണിക്കേഷൻ, കംപ്യൂട്ടർ സയൻസ്/ കംപ്യൂട്ടർ സയൻസ് ആൻഡ് എൻജിനീയറിങ്) എന്നിവയിലേതിലെങ്കിലും ബിരുദം. ഒപ്പം ബി.ഇ./ബി.ടെക്കുകാർക്ക് 4 വർഷവും എം.ഇ/എം.ടെക്കുകാർക്ക് 2 വർഷവും പ്രവൃത്തി പരിചയവും അഭികാമ്യം.

ശമ്പളം:50,000–1,60,000 രൂപ.

പ്രായപരിധി: 32 വയസ്സ് (സംവരണ വിഭാഗങ്ങൾക്ക് നിയമാനുസൃത ഇളവ്).

അപേക്ഷ സ്വീകരിക്കുന്ന അവസാന തീയതി മാർച്ച്‌ 22.

പ്രോജെക്ട് എൻജിനീയർ- 15: നാല് വർഷത്തെ ഫുൾ ടൈം ബി.ഇ./ബി.ടെക്./ബി.എസ്.സി.-എൻജിനീയറിങ് (ഇലക്ട്രോണിക്സ്, ഇലക്ട്രോണിക്സ് ആൻഡ് കമ്യൂണിക്കേഷൻ, ടെലികമ്യൂണിക്കേഷൻ, കമ്യൂണിക്കേഷൻ, ഇലക്ട്രോണിക്സ് ആൻഡ് ടെലികമ്മ്യൂണിക്കേഷൻ, മെക്കാനിക്കൽ) എന്നിവയിലേതിലെങ്കിലും 55 ശതമാനം മാർക്കോട് കൂടെയുള്ള വിജയം(അർഹർക്ക് ഇളവ് ലഭിക്കും). ഒപ്പം 2 വർഷത്തെ പ്രവൃത്തി പരിചയം.

പ്രായപരിധി: 32 വയസ്സ് (സംവരണ വിഭാഗങ്ങൾക്ക് നിയമാനുസൃത ഇളവ്).

ശമ്പളം: 40,000-55,000 രൂപ.

തപാലിൽ അപേക്ഷിക്കണം. അവസാന തീയതി മാർച്ച്‌ 23.

വിശദവിവരങ്ങൾക്കും അപേക്ഷാ ഫോമിനും: https://bel-india.in/