JOIN OUR WHATSAPP GROUP https://chat.whatsapp.com/BCOwaLGheC02b6xzMmfnRT
കോട്ടയം: മഹാത്മാഗാന്ധി സർവകലാശാലയിലെ അഫിലിയേറ്റഡ് കോളേജുകളിൽ നടത്തുന്ന ബി.എഡ്, ബിരുദാനന്തര – ബിരുദ പ്രോഗ്രാമുകളിലെ രണ്ടാം സപ്ലിമെന്ററി അലോട്മെന്റിനു ശേഷം ഒഴിവുള്ള സീറ്റിലേയ്ക്ക് ഇന്ന് (ഡിസംബർ മൂന്ന്) മുതൽ ഓൺലൈനായി രജിസ്റ്റർ ചെയ്യാം. ഇതിന്റെ അടിസ്ഥാനത്തിൽ പ്രസിദ്ധീകരിക്കുന്ന റാങ്ക് ലിസ്റ്റിൽ നിന്നും കോളേജുകൾക്ക് ഡിസംബർ 14 വരെ സംവരണം-മെറിറ്റ് തത്വങ്ങൾ പാലിച്ചുകൊണ്ട് പ്രവേശനം നടത്താം. ഡിസംബർ 7വരെയാണ് രജിസ്ട്രേഷൻ സമയം. ഇതിനുശേഷം ഒഴിവു വരുന്ന സീറ്റുകളിലേയ്ക്ക് ഡിസംബർ 15 മുതൽ 18 വരെ ഓൺലൈനായി രജിസ്ട്രേഷൻ /ഓപ്ഷൻ രജിസ്ട്രേഷൻ നടത്താവുന്നതും തുടർന്ന് പ്രസിദ്ധീകരിക്കുന്ന റാങ്ക് ലിസ്റ്റിൻ്റെ അടിസ്ഥാനത്തിൽ കോളേജുകൾക്ക് ഡിസംബർ 24 വരെ സംവരണ – മെറിറ്റ് തത്വങ്ങൾ പാലിച്ചുകൊണ്ട് പ്രവേശനം നടത്താവുന്നതുമാണ്. ഡിസംബർ 24 -ന് പ്രവേശന നടപടികൾ പൂർത്തീകരിക്കാനാണ് സർവകലാശാല കോളജുകൾക്ക് നിർദ്ദേശം നൽകിയിട്ടുള്ളത്.