JOIN OUR WHATSAPP GROUP https://chat.whatsapp.com/FHz0gkFJMiP6Kca42mrmQP
തിരുവനന്തപുരം: കേരള എഞ്ചിനീയറിങ്, ഫാർമസി കോഴ്സുകളിൽ (KEAM-2021) ഒഴിവുള്ള സീറ്റുകൾ നികത്തുന്നതിനായി ഓൺലൈൻ മോപ് അപ് അലോട്ട്മെന്റ് പ്രസിദ്ധീകരിച്ചു. ഗവ., എയ്ഡഡ് എൻജിനിയറിങ് ആർക്കിടെക്ചർ കോളേജുകളിലെ ഒഴിവുള്ള സീറ്റുകളും സർക്കാർ ഫാർമസി കോളേജുകളിലെ ബി.ഫാം. കോഴ്സിൽ ഒഴിവുള്ള സീറ്റുകളും നികത്തുന്നതിനായുള്ള അലോട്ട്മെന്റ് http://cee.kerala.gov.in ലൂടെ പരിശോധിക്കാം.
നവംബർ 23വരെ വിദ്യാർഥികൾ നൽകിയ ഓൺലൈൻ ഓപ്ഷനുകളുടെ അടിസ്ഥാനത്തിലാണ് അലോട്ട്മെന്റ്.
അലോട്ട്മെന്റ് ലഭിച്ചവർക്ക് മെമ്മോയിൽ രേഖപ്പെടുത്തിയ ഫീസും ബാക്കി തുകയും ചേർത്ത് ഇന്നുമുതൽ 27 വരെ അടയ്ക്കാം. തപാൽ സംവിധാനത്തിലോ ഓൺലൈൻ വഴിയോ ഫീസ് അടയ്ക്കാം. 27ന് വൈകിട്ട് 3ന് മുമ്പായി അലോട്മെന്റ് ലഭിച്ച കോളേജുകളിൽ പ്രവേശനം നേടണം.
നിശ്ചിത സമയത്തിനുള്ളിൽ പ്രവേശനം നേടാത്ത വിദ്യാർഥികളുടെ അലോട്ട്മെന്റ് റദ്ദാക്കും. കൂടുതൽ വിവരങ്ങൾക്ക് 0471 2525300.
