തിരുവനന്തപുരം: കേരളത്തിലെ എൻജിനീയറിങ്, ആർക്കിടെക്ടർ, ഫാർമസി പ്രവേശനത്തിനുള്ള ഓപ്ഷൻ രജിസ്ട്രേഷൻ ആരംഭിച്ചു. ഓപ്ഷൻ സമർപ്പിക്കാൻ ഒക്ടോബർ 9ന് വൈകീട്ട് 4 വരെയാണ് സമയം. ആദ്യ അലോട്മെന്റ് ഒക്ടോബർ 11ന് ഉണ്ടാകും. അലോട്ട്മെന്റ് വന്നാൽ ഫീസ് 16ന് ഉച്ചകഴിഞ്ഞ് മൂന്നിനകം അടയ്ക്കണം.
കോഴ്സും കോളേകളും സംബന്ധിച്ച മുൻഗണനകളുടെ അടിസ്ഥാനത്തിൽ ഓൺലൈനായി ഓപ്ഷൻ നൽകുന്നതു വളരെ പ്രധാനമാണ്.
![\"\"](\"https://schoolvartha.com/wp-content/uploads/2021/10/20211006_031227-1024x232.jpg\")
ഓപ്ഷൻ സംബന്ധിച്ച തീരുമാനത്തിൽ രക്ഷാകർത്താക്കളും പങ്കെടുക്കണം. എൻട്രൻസ് കമ്മിഷണറുടെ പുതിയ അറിയിപ്പുകൾ സൈറ്റിലും പത്രത്തിലും വരുന്നതു നിരന്തരം ശ്രദ്ധിക്കുക. അപാകതമൂലം എൻട്രൻസ് സ്കോർ തടഞ്ഞുവയ്ക്കപ്പെട്ടവർക്കു ഓപ്ഷൻ രജിസ്ട്രേഷൻ നടത്താം. 8ന് വൈകിട്ടു 4ന് മുൻപ് അപാകത പരിഹരിച്ചാൽ മാത്രമേ ഈ വിദ്യാർഥികളെ അലോട്മെന്റിനു പരിഗണിക്കുകയുള്ളൂ.
