കോവിഡ്: മെയ്‌2ലെ യുജിസി-നെറ്റ് പരീക്ഷയും മാറ്റി

ന്യൂഡൽഹി: മെയ് 2 മുതൽ 17 വരെ നടക്കാനിരുന്ന യുജിസി-നെറ്റ് പരീക്ഷ കോവിഡ് വ്യാപനത്തെ തുടർന്ന് മാറ്റിവച്ചു. കേന്ദ്ര വിദ്യാഭ്യാസ മന്ത്രി രമേശ് പൊഖ്രിയാൽ നിഷാങ്ക് ആണ് ഇക്കാര്യം അറിയിച്ചത്. പരീക്ഷയുടെ പുതുക്കിയ തീയതി പിന്നീട് പ്രഖ്യാപിക്കും. പരീക്ഷ ആരംഭിക്കുന്നതിനു ചുരുങ്ങിയത് 15 ദിവസം മുൻപെങ്കിലും തിയതി പ്രഖ്യാപിക്കും. വിദ്യാർത്ഥികൾ നാഷണൽ ടെസ്റ്റിങ് ഏജൻസിയുടെ വെബ്സൈറ്റ് ശ്രദ്ധിക്കണമെന്നും നിർദേശമുണ്ട്.