എസ്എസ്എല്‍സി ഗണിത ചോദ്യപേപ്പർ വാട്‌സാപ്പില്‍ അയച്ച സംഭവത്തിൽ അധ്യാപകന് സസ്‌പെന്‍ഷന്‍

പത്തനംതിട്ട: എസ്എസ്എൽസി ഗണിത പരീക്ഷക്കിടെ ചോദ്യക്കടലാസ് വാട്സാപ്പ് ഗ്രൂപ്പിൽ പോസ്റ്റ്‌ ചെയ്ത അധ്യാപകനെ വിദ്യാഭ്യാസ വകുപ്പ് സസ്പെൻഡ് ചെയ്തു. മുട്ടത്തുകോണം എസ്എൻഡിപി ഹൈസ്കൂളിലെ പ്രധാന അധ്യാപകൻ എസ്.സന്തോഷിനീയാണ് സസ്‌പെൻഡ് ചെയ്തത്. പരീക്ഷ ആരംഭിച്ച് അരമണിക്കൂറിനുള്ളിലാണ് ഡിഇഒ ഓഫീസ് എന്ന വാട്സാപ്പ് ഗ്രൂപ്പിൽ ചോദ്യപേപ്പറിന്റെ ഫോട്ടോ വന്നത്. ചോദ്യപേപ്പർ ചോർന്ന സംഭവത്തെ തുടന്ന് വിദ്യാഭ്യാസ ഡെപ്യൂട്ടി ഡയറക്ടറുടെ നേതൃത്വത്തിൽ സ്കൂളിൽ തെളിവെടുപ്പ് നടത്തുകയും നടപടി സ്വീകരിക്കുകയുമായിരുന്നു.

ഫോട്ടോ ഗ്രൂപ്പിൽ വന്നത് അബദ്ധത്തിൽ സംഭവിച്ചതാണെന്നാണ് അധ്യാപകൻ നൽകിയ മൊഴി.