പഞ്ചാബിൽ വിദ്യാർത്ഥികളെ പരീക്ഷ എഴുതാതെ വിജയിപ്പിക്കും:അമരീന്ദർ സിങ്

ചണ്ഡീഗഢ്: കോവിഡ് വ്യാപനം രൂക്ഷമായ സാഹചര്യത്തിൽ പഞ്ചാബിലെ 5, 8, 10 ക്ലാസുകളിലെ മുഴുവൻ വിദ്യാർത്ഥികളെയും പരീക്ഷ എഴുതാതെ വിജയിപ്പിക്കുമെന്ന് മുഖ്യമന്ത്രി അമരീന്ദർ സിങ്. അനിശ്ചിത കാലത്തേക്ക് മാറ്റിവച്ച പ്ലസ് ടു ക്ലാസ് പരീക്ഷ നടത്തുന്നത് സംബന്ധിച്ച തീരുമാനം പിന്നീട് ഉണ്ടാകും. വിദ്യാഭ്യാസ വകുപ്പിലെ ഉന്നത ഉദ്യോഗസ്ഥരും ആരോഗ്യ വിദഗ്ധരുമായുള്ള കൂടിക്കാഴ്ച്ചക്ക് ശേഷമാണ് തീരുമാനം.

കോവിഡ് വ്യാപനം കൂടിയതിനെ തുടർന്ന് പഞ്ചാബിലെ വിദ്യാഭ്യാസ സ്ഥാപനങ്ങൾ ഏപ്രിൽ 30 വരെ അടച്ചിട്ടു.