editorial@schoolvartha.com | markeiting@schoolvartha.com
വിദ്യഭ്യാസ വാർത്തകൾ
Google Play School Vartha
പ്രധാന വാർത്തകൾ
30ലെ പരീക്ഷകൾ മാറ്റി, ഹാള്‍ടിക്കറ്റ്, പരീക്ഷാഫലം: കാലിക്കറ്റ്‌ സർവകലാശാല വാർത്തകൾഹയർ സെക്കൻഡറി അധ്യാപകരുടെ സ്ഥലംമാറ്റം: പട്ടിക പ്രസിദ്ധീകരിച്ചുഎസ്എസ്എൽസി പരീക്ഷാ മാനുവൽ അടുത്ത വർഷംമുതൽപരമാവധി സ്കൂൾ വിദ്യാർത്ഥികൾക്ക് കോവിഡ് വാക്‌സിൻ: നാളെമുതൽ വാക്സിനേഷൻ യജ്ഞംസ്കൂളുകളിലെ കുടിവെള്ളം ലാബിൽ പരിശോധിക്കണം: അറ്റകുറ്റപ്പണികളും പെയിന്റിങും 27നകം പൂർത്തിയാക്കണംപുതിയ അധ്യയനവർഷത്തിനുള്ള ഒരുക്കങ്ങൾ: ഇന്നുമുതൽ സ്കൂളുകളിൽ വിദ്യാഭ്യാസ ഓഫീസർമാരുടെ പരിശോധനസ്കൂൾ പരിസരത്തെ കടകളിൽ ലഹരിവസ്തുക്കളുടെ വില്പനയില്ലെന്ന് ഉറപ്പാക്കണം: 5 കാര്യങ്ങൾക്ക് പോലീസിന്റെ സേവനം തേടാൻ നിർദേശംഇന്നത്തെ പരീക്ഷ മാറ്റി, മറ്റുപരീക്ഷാ വിവരങ്ങൾ: ഇന്നത്തെ കാലിക്കറ്റ്‌ സർവകലാശാല വാർത്തകൾഡ​ൽ​ഹി പൊ​ലീ​സിൽ ഹെഡ് കോൺസ്റ്റബിൾ നിയമനം: അപേക്ഷ ക്ഷണിച്ച് എസ്.എസ്.സി.ഗ്രൂപ്പ്‌ ബി തസ്തികകളിൽ 90 ഒഴിവ്: അപേക്ഷ ക്ഷണിച്ച് ബിഎസ്എഫ്

എം.ജി സര്‍വകലാശാല അറിയിപ്പുകള്‍

Published on : February 18 - 2021 | 5:42 pm

കോട്ടയം: മഹാത്മാഗാന്ധി സര്‍വകലാശാല യു.ജി./പി.ജി. പ്രൈവറ്റ് രജിസ്‌ട്രേഷന് സൂപ്പര്‍ഫൈനോടെ ഫെബ്രുവരി 20 വരെ അപേക്ഷിക്കാം.

അപേക്ഷാ തിയതി

മൂന്നാം സെമസ്റ്റര്‍ സി.ബി.സി.എസ്. (2017, 2018 അഡ്മിഷന്‍ റീഅപ്പിയറന്‍സ്), മൂന്നാം സെമസ്റ്റര്‍ സി.ബി.സി.എസ്.എസ്. സൈബര്‍ ഫോറന്‍സിക് (2017, 2018 അഡ്മിഷന്‍ റീഅപ്പിയറന്‍സ്), മൂന്നാം സെമസ്റ്റര്‍ സി.ബി.സി.എസ്.എസ്. (2013 2016 അഡ്മിഷന്‍ റീഅപ്പിയറന്‍സ്) യു.ജി. പരീക്ഷകള്‍ക്ക് പിഴയില്ലാതെ ഫെബ്രുവരി 24 വരെയും 525 രൂപ പിഴയോടെ ഫെബ്രുവരി 25 വരെയും 1050 രൂപ സൂപ്പര്‍ഫൈനോടെ ഫെബ്രുവരി 26 വരെയും അപേക്ഷിക്കാം. വീണ്ടുമെഴുതുന്നവര്‍ പേപ്പറൊന്നിന് 35 രൂപ വീതം (പരമാവധി 210 രൂപ) സി.വി. ക്യാമ്പ് ഫീസായി പരീക്ഷഫീസിന് പുറമെ അടയ്ക്കണം. റീഅപ്പിയറന്‍സ് പരീക്ഷയെഴുതുന്നവര്‍ 55 രൂപ രജിസ്‌ട്രേഷന്‍ ഫീസായി മറ്റ് ഫീസുകള്‍ക്ക് പുറമെ അടയ്ക്കണം. ഇന്റേണല്‍ ഇവാല്യുവേഷന്‍ റീഡു ചെയ്യുന്നവര്‍ പേപ്പറിന് 105 രൂപ വീതം ഫീസടച്ച് അപേക്ഷിക്കണം. വിശദവിവരം സര്‍വകലാശാല വെബ്‌സൈറ്റില്‍.

പരീക്ഷാഫലം

  1. 2020 മെയില്‍ നടന്ന നാലാം സെമസ്റ്റര്‍ പി.ജി.സി.എസ്.എസ്. എം.എസ് സി. ഫിസിക്‌സ് പരീക്ഷയുടെ ഫലം പ്രസിദ്ധീകരിച്ചു. പുനര്‍മൂല്യനിര്‍ണയത്തിനും സൂക്ഷ്മപരിശോധനയ്ക്കും മാര്‍ച്ച് നാലുവരെ ഓണ്‍ലൈനായി അപേക്ഷിക്കാം.
  2. 2020 മെയില്‍ നടന്ന നാലാം സെമസ്റ്റര്‍ എം.കോം. (ഇ-കോമേഴ്‌സ്) സി.എസ്.എസ്. (റഗുലര്‍/സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു.

ഇന്റര്‍വ്യൂ

മഹാത്മാഗാന്ധി സര്‍വകലാശാല സ്‌കൂള്‍ ഓഫ് കെമിക്കല്‍ സയന്‍സസിലെ ഗസ്റ്റ് അധ്യാപക പാനലില്‍ ഉള്‍പ്പെടുത്തുന്നതിനായി യോഗ്യരായവരുടെ വോക്-ഇന്‍-ഇന്റര്‍വ്യൂ മാര്‍ച്ച് അഞ്ചിന് രാവിലെ 10ന് സ്‌കൂള്‍ ഓഫ് കെമിക്കല്‍ സയന്‍സസ് ഡയറക്ടറുടെ ചേമ്പറില്‍ നടക്കും. രണ്ട് ഒഴിവാണുള്ളത് (ഈഴവ 1, ഓപ്പണ്‍ 1) യു.ജി.സി. നിഷ്‌കര്‍ഷിച്ചിരിക്കുന്ന യോഗ്യതയുള്ളവര്‍ക്ക് പങ്കെടുക്കാം. 2021 ജനുവരി ഒന്നിന് 41 വയസ് കവിയരുത് (എസ്.സി./എസ്.ടി., മറ്റ് പിന്നാക്ക വിഭാഗങ്ങള്‍ക്ക് ഉയര്‍ന്ന പ്രായപരിധിയില്‍ നിയമാനുസൃത ഇളവ് ലഭിക്കും). താല്പര്യമുള്ളവര്‍ വെള്ളപേപ്പറില്‍ എഴുതി തയാറാക്കിയ അപേക്ഷയോടൊപ്പം പ്രായം, വിദ്യാഭ്യാസ യോഗ്യത, പ്രവൃത്തിപരിചയം, ജാതി തെളിയിക്കുന്ന/നോണ്‍ ക്രീമിലെയര്‍ സര്‍ട്ടിഫിക്കറ്റ്, അധികയോഗ്യത എന്നിവയുടെ അസല്‍ രേഖകളും പകര്‍പ്പും സഹിതം മാര്‍ച്ച് അഞ്ചിന് രാവിലെ 10ന് സ്‌കൂള്‍ ഓഫ് കെമിക്കല്‍ സയന്‍സസ് ഓഫീസില്‍ എത്തണം. ഉദ്യോഗാര്‍ഥികള്‍ കോവിഡ്-19 വൈറസ് പ്രോട്ടോക്കോള്‍ പാലിച്ച് പങ്കെടുക്കണം

മെരിറ്റ് സ്‌കോളര്‍ഷിപ്പ്

അംഗപരിമിതരായ വിദ്യാര്‍ഥികള്‍ക്കുള്ള 2019-20 അക്കാദമിക വര്‍ഷത്തെ മെറിറ്റ് സ്‌കോളര്‍ഷിപ്പ്, 2019, 20 വര്‍ഷങ്ങളില്‍ ജനുവരി 26ലെ റിപ്പബ്ലിക് ദിന പരേഡില്‍ പങ്കെടുത്തിട്ടുള്ള എന്‍.സി.സി., എന്‍.എസ്.എസ്. വോളന്റിയര്‍മാര്‍ക്കുള്ള ക്യാഷ് അവാര്‍ഡ്, അര്‍ഹരായ വിദ്യാര്‍ഥികള്‍ക്കുള്ള മെഡിക്കല്‍ ധനസഹായം എന്നിവയ്ക്കുള്ള അപേക്ഷകള്‍ 2021 മാര്‍ച്ച് അഞ്ച് വൈകീട്ട് 4.30 വരെ ഡയറക്ടര്‍, ഡിപ്പാര്‍ട്ട്‌മെന്റ് ഓഫ് സ്റ്റുഡന്റ് സര്‍വീസസ്, മഹാത്മാഗാന്ധി സര്‍വകലാശാല, പി.ഡി.ഹില്‍സ് പി.ഒ., കോട്ടയം – 686560 എന്ന വിലാസത്തില്‍ സ്വീകരിക്കും. കോളേജ് പ്രിന്‍സിപ്പല്‍മാര്‍ സാക്ഷ്യപ്പെടുത്തിയ അപേക്ഷയോടൊപ്പം വരുമാന സര്‍ട്ടിഫിക്കറ്റും ഹാജരാക്കണം. നിര്‍ദ്ദിഷ്ട അപേക്ഷഫോമിനും വിശദവിവരങ്ങള്‍ക്കും www.mgu.ac.in എന്ന വെബ്‌സൈറ്റ് സന്ദര്‍ശിക്കുക. ഫോണ്‍: 0481-2731031.

0 Comments

Related News